ӘДЕП ЖӨНІНДЕГІ УӘКІЛ МАХАМБЕТ АУДАНЫНДА
Департаменттің Әдеп жөніндегі уәкілі М. Кәрім 2026 жылғы 28 мамырда Махамбет ауданында іс сапарда болып, аудандық білім бөлімі қызметкерлерімен кездесу өткізді.
- Кездесу Әдеп жөніндегі уәкілдің 2026 жылға арналған жұмыс жоспарының
6-тармағына сәйкес ұйымдастырылып, оның негізгі мақсаты мемлекеттік қызметшілерге Қазақстан Республикасының мемлекеттік қызмет саласындағы заңнамасын, сыбайлас жемқорлыққа қарсы іс-қимыл бағытындағы талаптарды және Әдеп кодексінің нормаларын сақтау мәселелерін түсіндіру, сондай-ақ қызметтік әдеп мәдениетін нығайту болды. - Кездесу барысында Әдеп жөніндегі уәкіл сыбайлас жемқорлыққа қарсы іс-қимыл мемлекеттік саясаттың басым бағыттарының бірі екендігіне тоқталып, қызметтік өкілеттіктерді жеке мақсатта пайдалануға заңмен қатаң тыйым салынатынын атап өтті.
- Сонымен қатар, мемлекеттік қызметші өз қызметінде ең алдымен қоғам мен мемлекеттің мүддесін басшылыққа алуы қажеттігін ерекше жеткізді.
- Сондай-ақ, қазіргі уақытта мемлекеттік қызметшілердің әлеуметтік желілердегі әрекеттеріне ерекше назар аударылып отырғанын атап өтіп, мемлекеттік қызметшілер азаматтармен қарым-қатынаста сыпайылық пен әдептілік қағидаттарын ұстануы, дөрекілік пен бюрократизмге жол бермеуі, мемлекеттік органның беделіне нұқсан келтіретін әрекеттер жасамауы және әлеуметтік желілерде де Әдеп кодексінің талаптарын сақтауы тиіс екенін еске салды.
- Кездесу соңында бөлім қызметкерлерінің сұрақтарына жауап беріліп, алдағы уақытта атқарылатын жұмыстар бойынша бірлескен жоспарлар талқыланды.