2024 жылғы 13 тамызда Ақмола облысының Білім саласындағы сапаны қамтамасыз ету департаментінің басшысы Орал Қаппасов Облыстың білім басқармасының басшысы Айнагүл Балташевамен бірлесіп, бұқаралық ақпарат құралдары өкілдерінің қатысуымен білім беру ұйымдарының жаңа 2024-2025 оқу жылына дайындық мәселелері бойынша брифинг өткізді.

Күн тәртібінде облыстың білім беру ұйымдарын мемлекеттік аттестаттау, мектептерге профилактикалық бақылау жүргізу, білім беру ұйымдарының білім беру қызметін лицензиялау кезінде қойылатын біліктілік талаптарына сәйкестігі, оқулықтармен қамтамасыз етілуі мен жеткізілуіне мониторинг жүргізу, жаңадан ашылатын бес мектептің педагогикалық кадрлармен қамтамасыз етілуі және тағы басқа мәселелер қаралды.

Іс-шара қорытындысы бойынша бұқаралық ақпарат құралдарының өкілдерін қызықтырған барлық сұрақтарға жауаптар берілді.