Өтініштермен жұмыс
Департаментке 65 өтініш келіп түсті. Келіп түскен барлық өтініштер қолданыстағы заңнама талаптарына сәйкес, көтерілген мәселелердің мазмұны мен сипаты ескеріле отырып қаралды.
Жалпы өтініштердің ішінде 15-і Департаменттің құзыретіне жататын мәселелерді қамтығандықтан тікелей Департаментте қаралды. Қарау нәтижесінде өтініш берушілерге тиісті түсіндірмелер мен жауаптар берілді.
48 өтініш Департаменттің құзыретіне кірмейтін мәселелерді қамтыды. Осыған байланысты олар заңнамада белгіленген тәртіппен қарау және тиісті шаралар қабылдау үшін уәкілетті мемлекеттік органдарға жолданды. Бұл туралы өтініш берушілерге хабарланды.
Есепті күнгі жағдай бойынша 2 өтініш Департаменттің қарауында. Олар бойынша келтірілген уәждер зерделеніп, талдау жүргізілуде. Нәтижелері бойынша заңнамада белгіленген мерзімде өтініш иелеріне жауаптар жолданатын болады.
Жалпы өтініштерді қарау барысында қойылған мәселелердің жан-жақты, объективті және уақтылы қаралуына, сондай-ақ азаматтар мен заңды тұлғалардың құқықтары мен заңды мүдделерін қорғауға ерекше назар аударылды.
Департаментке келіп түсетін өтініштер педагогикалық әдеп, тарифтеу және оқу жүктемесін бөлу, сондай-ақ балалардың құқықтарын қорғау мәселелерін қамтиды.
Кейс: Педагогикалық әдеп нормаларын бұзу фактілерін қарау
Тексеру нәтижесінде өтініште көрсетілген мән-жайлар бойынша жекелеген педагогтардың педагогикалық әдеп нормаларын бұзу фактілері анықталды.
Мәселе: Педагогтардың педагогикалық әдеп нормаларын бұзу фактілерінің болуы білім беру процесіне қатысушылар арасындағы қарым-қатынас мәдениетінің төмендеуіне және білім беру ұйымының оң имиджіне нұқсан келтіру қаупіне әкелуі мүмкін.
Шешу жолдары: Педагогтармен түсіндіру жұмыстары жүргізілді, педагогикалық әдеп нормаларын сақтау жөнінде ұсынымдар берілді, профилактикалық іс-шаралар жоспары әзірленді, сондай-ақ қызметтік және кәсіби әдеп талаптарының сақталуына бақылау күшейтілді.
Кейс: Тарифтеу және оқу жүктемесін бөлу мәселесін қарау
Мәселе: Оқу жүктемесін бөлу және тарифтеу процесінің жеткілікті ашық әрі түсінікті болмауы педагогтар арасында келіспеушіліктер туындатып, ұжымдағы моральдық-психологиялық ахуалға кері әсер етуі мүмкін.
Шешу жолдары: Тарифтеу және оқу жүктемесін бөлу мәселелері білім беру ұйымының ішкі құзыретіне жатады және қолданыстағы нормативтік құқықтық актілерге сәйкес әкімшілік деңгейде реттеледі. Бұл мәселе Департаменттің құзыретіне кірмейтіндіктен, өтініш өңірлік еңбек және білім беру министрлігіне жолданды.
Кейс: Балалардың құқықтарын қорғау мәселесін қарау
Мәселе: Білім беру ұйымында жекелеген жағдайларда балалардың құқықтарының сақталуын қамтамасыз етуде кемшіліктер анықталды. Атап айтқанда, білім алушылардың қауіпсіздігіне, қолайлы оқу жағдайларын жасауға және психологиялық жайлылықты қамтамасыз етуге байланысты тәуекелдер бар. Бұл жағдай балалардың құқықтарын толыққанды қорғау мен қамтамасыз етуге қатысты мәселелердің бар екенін көрсетеді.
Шешу жолдары: Департамент тарапынан өтініш полиция бөлімінің бастығына және «Ақмола облысының Балалардың құқықтарын қорғау басқармасы» мемлекеттік мекемесіне жолданды.
Есепті кезеңде азаматтарды жеке қабылдау мәселелері бойынша өтініштер келіп түскен жоқ, осыған байланысты қарауды талап ететін мәселелер болған жоқ.