28 қараша күні Алматы қаласының техникалық және кәсіптік білім беру жүйесін дамыту мәселелерін талқылауға арналған қалалық Білім басқармасының кеңейтілген отырысы өтті.

28 қараша күні Алматы қаласының техникалық және кәсіптік білім беру жүйесін дамыту мәселелерін талқылауға арналған қалалық Білім басқармасының кеңейтілген отырысы өтті. Іс-шараға қала әкімінің орынбасары Абзал Нүкенов төрағалық етті.
Отырыс барысында Алматы қаласының білім саласында сапаны қамтамасыз ету департаментінің басшысы Гүлнара Ермекбаева баяндама жасап, жүргізілген бақылау іс-шараларының нәтижелерімен таныстырды, техникалық және кәсіптік білім беру ұйымдарындағы бар мамандықтар мен біліктіліктерге талдау ұсынды, сондай-ақ департаментке азаматтар мен білім беру саласы қызметкерлерінен келіп түскен өтініштердің сипаты мен динамикасы туралы ақпарат берді.