Педагогикалық әдеп жөніндегі кеңестің отырысы

2025 жылғы 12 ақпанда Білім сапасын қамтамасыз ету департаментінде Педагогикалық әдеп жөніндегі кеңестің отырысы өтті. 

Күн тәртібінде Алматы облысы, Үйғыр ауданы, Шонжы ауылындағы № 1 мектеп-лицейінің директор орынбасарының бастауыш сынып мұғаліміне қатысты педагогикалық әдеп нормаларын бұзуы жөніндегі жағдай қаралды.

Кеңес мүшелері барлық мән-жайларды талқылап, педагогтердің пікірлерін тыңдады және жағдайды мұқият зерттеп, Үйғыр ауданының білім бөліміне бірқатар ұсыныстар жасады.

Манызды ұсыныстар – бастауыш сыныптарда мектепішілік бақылауды күшейту, педагогикалық әдеп нормаларының сақталуын қамтамасыз ету, «Педагог мәртебесі туралы» Қазақстан Республикасының Заңының, Педагогикалық әдеп қағидаларының талаптарын түсіндіру жөнінде ақпараттық-түсіндіру жұмыстарын белсендету және педагогикалық құрам арасында моральдық-психологиялық ахуалды жақсарту бойынша шаралар қабылдау.