Алматы облысының Білім саласында сапаны қамтамасыз ету департаменті қызметінің қорытындылары айтылды

🔰 Бүгін, 2024 жылғы 26 тамызда Жиренбай Е. Алматы облысының әкімі М. Е. Сұлтанғазиевтің төрағалығымен өткен аппараттық кеңесте Білім саласындағы сапаны қамтамасыз ету департаментінің 2024 жылғы 8 айдағы қызметінің қорытындылары туралы баяндады.
📌 Сондай-ақ, ол мектептерді жаңғырту (66 мектеп), мектептердің қауіпсіздігі мен мектептер жанында инфрақұрылымның болуы (98 мектеп), жаңа оқу жылына дайындық (119 мектеп) мәселелері бойынша мониторинг қорытындыларын жариялады.
✅ Келесі проблемалық мәселелерге басты назар аударды. Ол:
- білім беру ұйымдары бірінші басшыларының бос жұмыс орындарының болуы, сондай-ақ олардың біліктілік талаптарына сәйкестігі;
- мектептерде біліктілік санаты бар педагогтер санының жеткіліксіздігі;
- педагогикалық кадрларға жоғары қажеттілік;
- мектептердің лицензиясыз қызметі;
- санитарлық-эпидемиологиялық қорытындысыз мектептердің жұмыс жасауы;
- а. ж. 1 қыркүйегіне қарай «Жайлы мектеп» ұлттық жобасы шеңберінде салынған мектептерді уақтылы тапсырмау тәуекелдерінің болуы;
- оқулықтарды мектептерге уақтылы жеткізбеу.
✏️ Облыс әкімі М. Е. Сұлтанғазиев кеңес хаттамасына енгізу үшін проблемалық мәселелерді шешу бойынша Департамент басшысы Е. С. Жиренбайдың ұсынған шараларын мақұлдады.