Өтініштерді қарау бойынша жоспардан тыс тексерулер

      2022 жылы Алматы облысының білім саласында сапаны қамтамасыз ету департаментінің атына азаматтардан 285 өтініш келіп түсті. Келіп түскен барлық өтініштер бойынша Қазақстан Республикасы Әкімшілік рәсімдік-процестік кодексінің (бұдан әрі- Кодекс) талаптарына сәйкес тиісті шаралар қабылданды. Кодекстің 65-бабының 1-тармағы бойынша 113 өтініш басқа органдарға қарау үшін қайта жіберілді, 17 өтініш қараусыз қалдырылды, 127 өтініш бойынша түсініктемелер берілді. 28 өтініш бойынша жоспардан тыс тексерулер тағайындалды және жүргізілді, оның 3-і білім бөлімдерінде (Еңбекшіқазақ ауданының білім бөлімі), 2-і балабақшаларда, 2-і колледжде, 21-і жалпы білім беретін мектептерде өткізілді. Анықталған заңнама нормаларын бұзушылықтар бойынша барлығы 18 әкімшілік іс қозғалды, оның ішінде «Әкімшілік құқықбұзушылық туралы» Қазақстар Республикасы Кодексінің 464-бабы 1-бөлігі бойынша 13 білім беру ұйымының лицензиясы тоқтатыла отырып, 4-11-бабы 1 тармағы, 409-4 бабы 3 және 6 бөлігі бойынша 23 ұйғарым енгізілді. Жалпы сомасы 1026105 теңгеге 335 АЕК мөлшерінде әкімшілік айыппұл салынды.