Семинар-кеңес өткізілді ​

  2023 жылғы 13 желтоқсан күні «1000 мектепке әдістемелік қолдау» республикалық жобасына енген облыстағы 58 мектептің әкімшілігімен «Мектепішілік бақылауды үйлестіру» тақырыбында кезекті семинар-кеңес өтті.
Кеңеске Департамент басшысы Гулнара Сарсенгалиева қатысты.
​Бекітілген жоспарға сәйкес Ақтөбе қаласы №3 орта мектебінің директордың оқу-тәрбие бойынша орынбасарлары А.Батенова мен Г.Куликенова «Организация внутришкольного контроля в СШ №3» тақырыбында, Алға ауданы Тоқмансай орта мектебінің директоры Қ.Жетесова «Мектепішілік бақылауды ұйымдастыру тәжірибесі» және Байғанин ауданы С.Ешбаев атындағы орта мектебінің директоры Н.Дауылбаева «Зерттеу, зерделеу және шешімін табу» тақырыбында өз тәжірибелерімен бөлісті.
​Тәжірибе алмасу барысында Ақтөбе қаласының №3 орта мектебі мектепішілік бақылау бойынша пайымдау жасаса, Алға ауданының Тоқмансай орта мектебі мектепішілік бақылау бойынша атқарылған жұмыстарын баяндады, ал Байғанин ауданы С.Ешбаев атындағы орта мектебі мектепішілік бақылау нәтижелері туралы айтты.
​Өкінішке орай, бүгінгі таңда білім беру ұйымдары мектепішілік бақылаудың мәнісін толық түсінбейді және осының салдарынан аталмыш бақылаудың толық жүзеге асырылмауы орын алып жатады.
​Ішкі және сыртқы бақылауды салыстыру жұмыстары ұйымдастырылып, талдаулар толық жасалмайды.
Мектеп әкімшілігі оқу-тәрбие процесін әдістемелік қамтамасыз етуді ұйымдастыратын және жетілдіретін тұлға болғандықтан, мектепішілік бақылаудың дұрыс жүргізілуі білім сапасының жоғарлауына оң әсер ететіндігін ескеруі тиіс.