Отчет Департамента за 3 квартал

Отчет Департамента за 3 квартал

 

Ақтөбе облысының білім саласында сапаны қамтамасыз ету департаменті тарапынан есептік кезең барысында жоспардан тыс 6 тексеріс өткізіліп, оның 5-уінде бұзушылық анықталды (оның ішінде мектеп-1, арнайы білім беретін мектеп-4). Тексеріс қорытындысы бойынша лауазымды  тұлғаға қатысты әкімшілік шара қабылданып, кемшілікті жоюдың нұсқамасы берілді.

Есепті кезеңде Департамент тарапынан 14 әкімшілік іс қозғалып, лауазымды тұлғаға 102,5 АЕК (353 625 теңге), заңды тұлғаға 70 АЕК (241 500 теңге) айыппұл салынды.

-         лауазымды адамының міндеттеріне салғырт қарауы, оқу және тәрбие беру процесі кезінде білім беру ұйымдары тәрбиеленушілерінің, білім алушылары мен жұмыскерлерінің денсаулығына жеңіл зиян келтіруі (ӘҚБтК 409 б., 3т.) - 1 факті тіркелді;

-Тиісті үлгідегі білім беру ұйымдары қызметінің үлгілік қағидаларын сақтамау (ӘҚБтК 409 б., 4-1т.) - 8 факті тіркелді;

-үлгілік қағидаларының талаптары бір жылдың ішінде қайта бұзылуы (ӘҚБтК 409 б., 7-1т.) - 1 факті тіркелді;

-Білім берудің мемлекеттік жалпыға міндетті білім беру стандарты талаптарының бұзушылығы (ӘҚБтК 409 б., 6т.) - 3 факті тіркелді;

  -жеке мектепті білім беру қызметін лицензиясыз атқарғаны анықталды (ӘҚБтК 463 б., 1т.) - 2 факті тіркелді;

28 білім беру мекемесінде мемлекеттік аттестаттау өткізілді (балабақша-14, мектеп-14), барлығы аттесмтатталмады. Қазіргі кезеңде 14 балабақшаға қайта аттестаттау өткізіліп, жалпыға міндетті білім беру стандарты талаптарының бұзушылығы жойылғандығы анықталды.

Білім беру қызметін лицензиялау бөлімінің негізгі қызмет бағыттары – мемлекеттік қызметтер көрсету (білім беру қызметін лицензиялау, білім беру ұйымдарынан шыққан құжаттарды апостильдеу), қаржы-шаруашылық қызмет, әкімшілік-кадр қызметі.

Осы бағыттар бойынша атқарылған жұмыстар:

Мемлекеттік қызметтер көрсету:

Департамент тарапынан көрсетілетін мемлекеттік қызметтердің саны – 2 қызмет. Мемлекеттік көрсетілетін қызметтер тізіліміндегі (ҚР Цифрлық даму, инновациялар және аэроғарыш өнеркәсібі министрінің м.а. 2020 жылғы 31 қаңтардағы № 39/НҚ бұйрығымен бекітілген «Мемлекеттік көрсетілетін қызметтер тізілімі») мемлекеттік көрсетілетін қызмет түрлеріне сәйкес:

  1. «Білім беру қызметімен айналысуға лицензия беру» мемлекеттік көрсетілетін қызметі. Қазақстан Республикасы Оқу-ағарту министрінің 2022 жылғы 30 қарашасындағы № 483 бұйрығымен бекітілген «Бастауыш, негізгі орта, жалпы орта, техникалық және кәсіптік, орта білімнен кейінгі білім беру қызметімен айналысуға лицензия беру" мемлекеттік қызметін көрсету қағидалары.

Ақтөбе облысының білім саласында сапаны қамтамасыз ету департаментімен 01.07.-30.09.2023 жж. аралығында «Е-лицензиялау» жүйесі бойынша барлығы заңды тұлғалардың 56 өтініші қаралған (шілде -19, тамыз-28, қыркүйек -9) Оның ішінде:

-         лицензияны және (немесе) лицензияға қосымшаны алуға - барлығы 51  өтініш;

-         лицензияны және (немесе) лицензияға қосымшаны қайта ресімдеуге - 5 өтініш.

Мемлекеттік қызметті көрсету кезінде «Е-лицензиялау» жүйесі арқылы лицензияны және (немесе) лицензияға қосымшаны алуға келіп түскен 51 өтініштің 42-нен қанағаттандырудан бас тартылды. Яғни, білім беру қызметін лицензиялау қызметіне қойылатын біліктілік талаптарына жолданған өтініштердің материалдары мен құжаттары сәйкес келмегендіктен себепті бас тартулар орын алды.

Лицензияны және (немесе) лицензияға қосымшаны қайта ресімдеуге берілген 5 өтініште қанағаттандырылды.

Білім беру қызметін лицензиялау сұрақтары бойынша лицензиялау комиссиясының есептік кезеңде барлығы 6 отырысы өткізілген.

  1. "Білім беру ұйымдарынан шығатын ресми құжаттарды апостильдеу" мемлекеттік көрсетілетін қызметі. Қазақстан Республикасы Білім және ғылым министрінің 2020 жылғы 18 мамырдағы № 209 бұйрығымен бекітілген "Бастауыш, негізгі орта, жалпы орта, техникалық және кәсіптік, орта білімнен кейінгі білім беру ұйымдарынан шығатын ресми құжаттарды апостильдеу" мемлекеттік қызмет көрсету қағидалары.

2023 жылдың шілде, тамыз, қыркүйек айларында барлығы 408 өтініш жеке тұлғалардан келіп түсті, оның ішінде, мемлекеттік корпорациядан (ЦОН) 380 өтініш, egov (ПЭП) арқылы 28 өтініш түскен.

408 өтініштің 370 қанағаттандырылса 38 өтінішке қанағаттандырудан бас тартылды. Бас тартудың басты негіздері - 14 өтініш мемлекеттік төлем төленбегендіктен, 8- өтініш ұсынылған құжаттары талапқа сай келмеуіне, 8 – өтініш азаматтарға арналған мемлекеттік корпорациясы арқылы қайта өтініш берілуіне байланысты, 7 – өтініш негізінде берілген өтініштерін қайтарып алуына, 1- құжаттың түп нұсқасын ұсынбағаны үшін.

Жалпы көрсетілетін мемлекеттік қызметтер бойынша арыз-шағымдар болған жоқ, мемлекеттік қызметтер көрсету мерзімдері сақталды.

Мемлекеттік қызметтерді көрсету мерзімдерінің бұзылуы бойынша                 3 фактісі тіркелді. 26 шілдеде электрондық үкімет порталы арқылы келіп түскен 3-ш өтініш бойынша кешіктіруді анықтау туралы хаттама жасалды.

2023 жылдың 16 тамызында №30 ж/қ бұйрығы негізінде М.Казмукашеваға мемлекеттік қызмет көрсетуді жүзеге асыру кезінде мемлекеттік қызмет көрсету мерзімін сақтамағаны үшін «ескерту» түрінде жаза қолданылды.

Есептік кезеңде мемлекеттік көрсетілетін қызметтер бойынша біліктілікті арттыру курстарынан өткен қызметшілер жоқ.

Департамент атқаратын функциялар қатарында «мемлекеттік көрсетілетін қызмет» белгілері бар «жасырын» қызметтер қарастырылмаған.

Департаменттің ресми сайтында www.gov.kz/memleket/entities/control-aktobe көрсетілетін мемлекеттік қызметтер бойынша «Мемлекеттік қызметтер», «Электрондық лицензиялау» порталын пайдаланушыларына, Білім туралы құжаттарға апостиль қою атты бөлімдер қарастырылған.        

Бюджет қаражатын игеру. Департаменттің барлық штат саны - 8. Мемлекеттік қызметкерлер саны 8, штаттан тыс қызметкерлер саны 3 (хатшы 1,0 бірлік, жүргізуші 1,0 бірлік, аула сыпырушы 1,0 бірлігі берілді ).

2023 жылдың 3 тоқсанындағы департаментті қаржыландыру жоспары бойынша 66348,7 мың теңге бөлінді, оның ішінде ағымдағы әкімшілік шығыстарға 63491,0 мың теңге, білім беру саласындағы мемлекеттік саясатты іске асыру жөніндегі уәкілетті органның қызметін қамтамасыз етуге 2788,8 мың теңге. 2023 жылғы 01 қазандағы жағдай бойынша кассалық шығыстар 66348,4 мың теңгені және игеру 100%  құрады.

Мемлекеттік қызметшілердің еңбегіне ақы төлеу қоры айына 3012,2 мың теңгені құрайды. Ел ішіндегі іссапар шығыстарын ҚР Үкіметінің 2000 жылғы 22 қыркүйектегі №1428 "Мемлекеттік бюджет есебінен ұсталатын мемлекеттік мекемелер қызметкерлерінің ҚР шегіндегі қызметтік іссапарлары туралы қағидалары" Қаулысы негізінде есептеу кезінде айлық есептік көрсеткіш, тәуліктік 2 АЕК - 6900,0 теңге қолданылады. Бүгінгі таңда аталған бағдарлама бойынша шығыстар 4022,3 мың теңгені құрады.

Департамент орналасқан ғимараттың жалпы ауданы 268,0 шаршы метр, ғимараттың баланстық құны 1228,0 мың теңгені құрайды. Департаменттің балансында 1 автокөлік бар.

2023 жылдың 3 тоқсанында мемлекеттік сатып алу бойынша 42 шарт жасалды. Бұл коммуналдық қызметтерге, автокөлікті ағымдағы жөндеуге, кеңсе тауарлары мен автокөлік бөлшектерін сатып алуға, сақтандыру төлемдеріне арналған шарттар. Есептер уақтылы тапсырылады: салықтық, статистикалық, баланс бойынша Мемлекеттік тізілімдегі БЖСО есебі, дебиторлық және кредиторлық берешек бойынша есептер, игеру бойынша есеп ай сайын тапсырылады.

Әкімшілік-кадр қызметі.

2023 жылғы 1 қазанында Департаменттің кадрлық құрамы 8 штат бірлігін құрайды (басшы – 1, басшының орынбасары – 1, білім сапасын сырттай бағалау бөлімі – 1 басшы, 2 бас маман; білім беру қызметін лицензиялау бөлімі-1 басшы, 2 бас маман).

Кадр қызметі бойынша тоқсандық, айлық есептер БССҚК-не, МҚІА Ақтөбе облысы бойынша департаментіне, ҚР БП ҚС және АЕА Комитетінің Ақтөбе облысы бойынша басқармасына мерзімінде жолданып отыр.

Есептік кезеңде бекітілген жоспарға сәйкес 1 мемлекеттік қызметші, білім беру қызметін лицензиялау бөлімінің бас маманы Л.Е.Кализина біліктілік арттыру семинарынан өтті.

Департамент жанындағы консультативтік-кеңесші органның жұмысы

Департамент жанынан құрылған Ақтөбе облысының білім беру ұйымдары педагогтарының педагогикалық әдеп және құқықтарын қорғау мәселелері жөніндегі консультативтік-кеңесші орган педагогтерді өзіне тән емес функциялардан қорғауды, олардың кәсіби қызметімен байланысты емес жұмыстарға тартуды, заңда көзделмеген артық есептілікті ұсынуды, тауарлар мен қызметтерді сатып алуға мәжбүрлеуді көздейтін мәселелерді қарайды.

2023 жылдың 3 тоқсанында ККО-ның  4 отырысы өткізілді.

1 отырыста білім беру ұйымдарының басшылары педагогикалық әдепті сақтамау туралы жеке тұлғаның өтініші қаралды.

ККО отырысының қорытындысы бойынша комиссия педагогикалық этиканы бұзу фактісі расталған жағдайда білім беру ұйымдарының басшыларына тиісті шаралар қабылдау туралы ұсынымдар шығарады.

Есептік кезең барысында

  1. 2023 жылғы 3 шілдеде Департаментте 2014 жылғы 16 мамырдағы № 202-V Қазақстан Республикасының "Рұқсаттар және хабарламалар туралы" Заңының талаптарын түсіндіру бойынша жалпы білім беретін мектептердің басшыларымен кездесу өткізілді.

Кездесу барысында Департамент қызметкерлері заңды тұлғаларда әртүрлі мекенжайлар бойынша орналасқан бірнеше ғимарат болған жағдайда лицензияны және (немесе) лицензияға қосымшаны алу және қайта ресімдеу мәселелері бойынша түсініктемелер берді.

  1. Білім беру ұйымдарынан шығатын ресми құжаттарға апостиль қою мемлекеттік қызмет көрсету сапасын жақсарту бойынша лицензиялау бөлімінің басшысы Мариям Қазмұқашева 2023 жылғы 27-28 шілдеде Ақтөбе қаласының № 1, 2 Халыққа қызмет көрсету бөлімдерінің қызметкерлеріне семинар өткізді.

​Семинар барысында ҚР БҒМ 2020 жылғы 18 мамырдағы №209 бұйрығына сәйкес құжаттарға апостиль қою рәсімін жүзеге асыру үшін өтініштерді дұрыс қалыптастыру бойынша қойылатын талаптар түсіндірілді;

  1. 2023 жылдың 28-29 шілдесінде облыстық білім басқару органдары басшыларының қатысуымен өткен республикалық семинар-кеңеске Департамент басшысы Гулнара Сарсенгалиева қатысты;
  2. Ағымдағы жылдың 24 тамызында Облыстық маслихаттың тұрақты комиссия отырысында білім саласындағы мәселелер көтерілді.

Департамент басшысы Гулнара Сарсенгалиева өз баяндамасында оқу жылы қарсаңында мектептерде жүргізілген мониторинг және бақылау шаралары барысында анықталған, шешімін қажет ететін мәселелерге тоқталды. Соның ішінде мектептердегі күрделі жөндеу жұмыстарының барысы туралы, жаңа үлгідегі кабинеттермен, интерактивтік тақталармен, спорт залы және спорттық құрал-жабдықтармен, интернет қызметімен қамтылуы, асхана қызметінің болуы, жылу қазандықтарының дайындығы, балалардың өмір қауіпсіздігін қорғау бағытындағы жұмыстары (бейнебақылау, турникет, дабыл түймесі, күзет қызметі;

  1. 24 тамыз күні Департамент басшысының орынбасары Жанар Мухамбеталина мен білім сапасын сырттай бағалау бөлімінің басшысы Аскар Кемешов Тараз қаласында өткен Білім саласында сапаны қамтамасыз ету комитетінің Білім беру қызметкерлерінің республикалық тамыз кеңесі аясындағы «Білім саласында сапаны қамтамасыз етудегі мемлекеттік бақылау шаралары» атты панельдік секциясы отырысына қатысты;
  2. Департамент басшысы Гулнара Сарсенгалиева “Әділетті Қазақстан, сапалы білім, адал ұрпақ, табысты ұлт” Республикалық тамыз кеңесі аясында «Білім беру сапасын басқару-мектеп директорының жұмысындағы басым бағыт» Ақтөбе қаласы мектеп директорларының панелдік сессиясына қатысты. Сессия барысында Ақтөбе қаласы бойынша мектептердегі білім берудің сапасы, педагогтардың құрамы мен санат алуы, оқушылар мен ата-аналарға арналған әр түрлі жобалар мен тағы да басқа өзекті мәселелер талқыланды;
  3. 6 қыркүйек күні “Әкімшілік іс жүргізудің бірыңғай тізілімі” ақпараттық жүйесіне іс жүргізуді электрондық форматта жүргізу бойынша құқық бұзушы адамдардың стационарлық компьютердегі іс жүргізу актілеріне цифрлық қолтаңба қоюы үшін планшеттік стилусті қолдану” тақырыбында өткізілген оқыту семинарына Қазақстан Республикасы Бас Прокуратурасының Құқықтық статистика және арнайы есепке алу жөніндегі комитетінің Ақтөбе облысы бойынша Департаментінің инспекторы Тыныштық Айсұлтан Қайратұлы қатынасып, планшеттік стилиусты қолдану жолдарына түсіндіру жұмыстарын жүргізді;
  4. 2023 жылғы 11 қыркүйекте Ақтөбе облысының білім саласында сапаны қамтамасыз ету департаментінің басшысы Гулнара Сәрсенғалиева сыбайлас жемқорлық тәуекелдерінің алдын алу бойынша білім беру ұйымдарын мемлекеттік аттестаттау рәсіміне қатысатын сарапшылар үшін түсіндіру жұмыстарын жүргізді. Кездесу барысында сарапшыларды ҚР Білім Министрінің 2022 жылғы 5 желтоқсандағы №486 бұйрығының талаптарымен таныстырды.Қазақстан Республикасы Оқу-ағарту министрлігінің Білім саласында сапаны қамтамасыз ету комитеті төрағасының 2022 жылғы 31 желтоқсандағы №14 бұйрығымен бекітілген Білім беру ұйымын мемлекеттік аттестаттауды ұйымдастыру және өткізу жөніндегі нұсқаулыққа сәйкес аттестаттау комиссиясының төрағалары сарапшыларды "Мінез-құлықтың этикалық нормаларымен", "Қызметтік ақпаратты жария етпеу туралы міндеттемесімен" таныстыратынын ескертті;
  5. Департамент басшысы Гулнара Сарсенгалиеваның төрағалығымен ағымдағы жылдың 13 қыркүйегі күні облыс аумағындағы орта білім беру ұйымдарының басшыларымен оқу процесін ұйымдастыру барысында туындауы мүмкін тәуекелдердің алдын-алу мәселелері бойынша zoom платформасы арқылы жиналыс өткізілді. Жиналыс барысында ыстық тамақ пен оқушыларды тасымалдауды ұйымдастыру, сағаттың бөлінуі (вариативті, инвариантты компонент), күрделі жөндеу, гардероб жұмысын ұйымдастыру, ішкі дәретханалардың жұмыс істеуі, ІІ және ІІІ ауысымдағы оқушылардың қауіпсіздігі, педагогикалық әдепті сақтау, жылу беру маусымына дайындық, жәбірлеу (буллинг), дене шынықтыру сабақтарындағы қауіпсіз мінез-құлық, педагогтерге жалақы төлеу және т.б. мәселелер талқыланды;
  6. 24 қыркүйекте Ақтөбе облысының әкімі Асхат Шахаровтың төрағалығымен өткен аппараттық жиында білім беру саласын дамыту мәселелері қаралды.

Департамент басшысы Гулнара Сарсенгалиева өз баяндамасында облыстың білім саласындағы бірқатар өзекті мәселелеріне тоқталды. Соның ішінде бейнебақылау камераларының жұмысын бекітілген нормативке сәйкестендіру, мектептердегі интернет жылдамдығын көтеру, білім беру мекемелеріндегі жүргізіліп жатқан күрделі жөндеу жұмыстарын уақытылы аяқтау, сапалы білім беру мақсатында барлық мектептерді жаңа үлгідегі кабинеттерімен (химия, физика, биология, робототехника), интерактивті тақтамен, спорт залымен, спорттық инвентарларымен қамтамасыз ету, өңірдегі білім сапасын көтеру, 1-4 сынып оқушыларын ыстық тамақпен қамтамасыз ету;

  1. 28 қыркүйекте «AMANAT» партиясы Ақтөбе облыстық филиалы жанындағы Білім және денсаулық сақтау мәселелері жөніндегі және Отбасы және халықты әлеуметтік қорғау мәселелері жөніндегі аймақтық кеңестерінің бірлескен отырысына Департамент басшысы Гулнара Сарсенгалиева қатысты. Отырыста Колледждердің заман қажеттілігіне сай материалдық-техникалық базасын жаңартылуы, дуальді оқыту бойынша білім алған техникалық және кәсіби білім беру мекемелері түлектерінің жұмысқа орналасу мәселелері көтерілді. Сонымен қатар интернат мекемелерінде балалардың тұру жағдайларын жақсарту жөніндегі жоспарлардың орындалуы туралы сұрақтар қарастырылды. Гулнара Сарсенгалиева өз баяндамасында колледждердің бүгінгі күнгі жағдайы, мемлекеттік аттестаттау барысында анықталған кемшіліктер, интернаттық мекемелерде жүргізілген тексеріс қорытындысы туралы айтты.

 

 

 

 

Ақпараттық жұмыстар БАҚ және әлеуметтік желілер арқылы үнемі өткізіледі.

  1. Департамент басшысы Гулнара Сарсенгалиева 2023 жылдың 24 шілдесінде “AQTOBE” телеканалында «Права детей под защитой» тақырыбында сұқбат берді;
  2. 2023 жылдың 4 тамызы күні Департамент басшысы Гулнара Сарсенгалиева білім беру ұйымдарының 2023-2024 оқу жылына дайындығы туралы  бұқаралық ақпарат құралдары өкілдерімен  брифинг өткізді;
  3. Департамент басшысы Гулнара Сарсенгалиева 2023 жылдың 10 тамызында “AQTOBE” телеканалының тікелей эфиріндегі «Елге қызмет» хабарында сұқбат берді;
  4. Департамент басшысы Гулнара Сарсенгалиева “Ақпараттық сағат” телебағдарламасына қатысты. Бағдарламада білім сапасына қатысты мәселелер талқыланды;
  5. Ақтөбе облысының білім саласында сапаны қамтамасыз ету департаменті білім басқармасымен бірге күрделі жөндеу жұмыстарының нәтижесімен және мектептердің жаңа оқу жылына дайындығымен танысу мақсатында БАҚ өкілдеріне ПРЕСС-ТУР ұйымдастырды;

 

 Департаменттің әлеуметтік желілері қоғамды ақпараттандыру мен  кері байланыс орнату үшін ең тиімді құрал болып отыр (инстаграм парақшасында  3324 жазылушы 1462 жарияланым, телеграмда 871 қатысушы,  фейсбукте 1100 адам жазылған).

 

«Педагог мәртебесі туралы» ҚРЗ жүзеге асыру шеңберінде келесі жұмыстар атқарылды:

Ақтөбе облысының білім саласында сапаны қамтамасыз ету департаменті жанындағы педагогикалық әдеп және педагогтің құқықтарын қорғау мәселелері жөніндегі консультациялық кеңесші органының отырысы өтті. Отырыста педагогтер тарапынан аттестация барысында тапсыратын ұлттық біліктілік тестілеуде жіберілген заңбұзушылықтар бойынша мәселелер қаралды.

 

Жеке және заңды тұлғалардың өтініштерін қарау жұмысын бақылау қызметі.

Есептік кезеңде  ЕСЭДО, Е-Өтініш жүйелері арқылы Департаментке түскен өтініштердің жалпы саны – 35 (Өтініш жолданғаны-13, хабарламалар, сұрау салу-22);

Департаментке Е-Өтініш жүйесі арқылы 27 өтініш жолданған.

Жергілікті атқарушы органнан түскен шағымдар саны-23;

Шағымдардың қаралуы:

Департамент тарапынан қаралған шағымдар саны-20;

Әкімшілік акт қабылданды-4;

Қолайлы әкімшілік акт қабылданды-1;

Жазбаша түсініктеме берілді – 7;

Арыз иесінің өтініші бойынша қарау тоқтатылды – 4;

Жергілікті атқарушы органға қарауға жолданды-4;

Өтініштерді қарау тәртібі мен мерзімдері сақталған, заң бұзушылықтар орын алмаған.Сонымен қатар келесі мониторинг шаралары өткізілді:

1.Қазақстан Республикасы Оқу-ағарту министрлігі Білім саласында сапаны қамтамасыз ету комитеті тапсырмасына сәйкес 2023 жылдың шілде-қыркүйек айлары аралығында білім беру ұйымдарына бару арқылы мониторинг жүргізілді.

1) Қазақстан Республикасы Оқу-ағарту Министрлігінің Балалардың құқықтарын қорғау комитетінің 2023 жылғы 23 мамырдағы № 15-1/3090-И хатына сәйкес  Медициналық және фармацевтикалық бақылау комитетінің аумақтық департаменттерінің мамандарының қатысуымен Ақтөбе облысы Алға ауданының Бестамақ ауылынан 3 км қашықтықта орналасқан «Ақтөбе облысының білім басқармасы» мемлекеттік мекемесі «Күншуақ» балалар сауықтыру лагері» коммуналдық мемлекеттік мекемесінің  медициналық жабдықтармен жарақтандыру, дәрігерлік кадрлармен жасақтау және диагностика мен емдеудің қолданыстағы хаттамаларын сақтау, сондай-ақ шұғыл жағдайлар кезінде көмек көрсету жағдайына мониторинг жүргізілді.

2) Мектепішілік бақылауды жүзеге асыру бойынша жүргізілген мониторинг барысында ҚР БжҒМ 06.04.2020 ж. №130 бұйрығы талабына сәйкес мектеп әкімшілігінің мектепішілік бақылау жоспарының болуы, мектеп әкімшілігі тарапынан сабаққа қатынас, оқу пәндерінің берілу жайына жүргізілген мониторинг, қысқа және орта мерзімді жоспарлардың тексерілуі, тәлімгерлік шаралары, электронды сынып журналының жүргізілуі, БЖБ/ТЖБ орындау бойынша тексеріс, оқушылардың үлгерім табельдерінің жүргізілу барысын тексеру бағытындағы атқарылған жұмыстары зерделенді;

3) Қазақстан Республикасы Білім Министрлігінің тапсырмасы негізінде Ақтөбе облысының білім саласында сапаны қамтамасыз ету департаменті 2023 жылғы 10-24 шілде аралығында 409 орта білім беру ұйымдарына бару арқылы мектептердің 2023-2024 оқу жылына дайындығына мониторинг жүргізілді.

Аталған іс-шараны өткізуге С. Баишев атындағы Ақтөбе университеті және "Өрлеу" БАҰО АҚ Ақтөбе облысы бойынша кәсіби даму институты" филиалының қызметкерлері қатысты.

Мониторинг барысында күрделі және ағымдағы жөндеу жүргізу, спорт залының, асхананың, жылы дәретханалардың болуы, жаңа модификациядағы кабинеттермен (физика, химия, биология, робототехника), интерактивті тақталармен, спорттық мүкәммалмен қамтамасыз етілуі, сондай-ақ балалардың қауіпсіздік жағдайлары үшін бейнебақылау, турникет, дабыл түймесінің болуы туралы мәселелері қаралды.