Басшылармен жиналыс

2023 жылдың 12 қыркүйегі күні Ақтөбе қаласы және аудандық білім бөлімдерінің басшыларымен Zoom платформасы арқылы жиналыс өткізілді.

Департамент басшысы  Г.Сарсенгалиева мектептерде қазандықтардың қысқа дайындығы, оқушылардың толық оқулықпен және 1-4 класс оқушыларының ыстық тамақпен қамтылуының мән-жәйі, оқушыларға тасымал ұйымдастырылуының барысы басқа да өзекті мәселелер бойынша білім бөлімі басшыларының есебін тыңдады.

Сондай-ақ білім сапасын сырттай бағалау бөлімінің басшысы А.Кемешов білім беру мекемелерінде мемлекеттік аттестаттау барысындағы жиі анықталған кемшіліктерді баяндап, өзін-өзі бағалау жұмыстарының сапалы жүргізілуіне бақылау жасаудың қажеттілігін ескертті.

Үстіміздегі жылы барлығы 96 білім беру мекемесінде мемлекеттік аттестаттау өткізіліп 14-і ғана (7 балабақша, 7 колледж) «Аттестатталды». 82 білім беру мекемесінің қызметі жалпыға міндетті білім беру стандарты талаптарына сәйкес келмеген.

Департамент басшысы Г.Сарсенгалиева білім бөлімінің басшыларына оқушылардың өмір қауіпсізідігін сақтау, сапалық қызмет жүргізу бағытында бірқатар тапсырмалар берді.