Ақтөбе облысының білім басқармасы жанындағы кеңейтілген алқа отырысы өтті

Отырысқа алқажиын мүшелері, аудандық және қалалық білім бөлімдерінің, сондай-ақ білім беру ұйымдарының басшылары қатысты.

Баяндамалармен Ақтөбе облысының білім саласында сапаны қамтамасыз ету департаментінің басшысы Гүлнар Сәрсенғалиева, білім басқармасы басшысының орынбасарлары Нұргүл Бертлеуова мен Асхат Ізбасар сөз сөйледі.

Коллегия барысында өңірдің білім беру жүйесіндегі өзекті мәселелер талқыланды. Негізгі тақырыптар қатарында – білім сапасы, мектептердің кадрмен қамтылуы, оқу-тәрбие үдерісінің жағдайы және педагогтердің әдістемелік жұмысы болды. Сонымен қатар құқық бұзушылықтың алдын алу және колледж түлектерін жұмыспен қамту мәселелеріне де ерекше назар аударылды.

Қатысушылар білім беру сапасы – бұл басшылардың, мұғалімдердің және бүкіл білім беру қауымдастығының бірлескен еңбегінің нәтижесі екенін атап өтті.