2025 жылдың 13 ақпанда Абай облысы мәслихатында Қазақстан Республикасы Сауда және интеграция министрлігінің салалық мемлекеттік органдардың қатысуымен «Уақыт белдеуі ауысуының әсерін зерделеу» тақырыбында отырысы өткізілді.

Абай облысы білім саласында сапаны қамтамасыз ету департаментінің басшысы отырыста бірыңғай уақыт белдеуінің білім алушылардың үлгерімі мен сабаққа қатысуына әсерін талдау нәтижелерін баяндады.

2023-2024 оқу жылының 3,4 және 2024-2025 оқу жылының 1,2-тоқсандарындағы білім сапасы көрсеткіші туралы сөз қозғалды. Білім алушылардың білім жетістіктері мониторингінің 2023 және 2024 жылғы нәтижелері салыстырмалы есебі жеткізілді. Оқушылардың сабаққа қатысуына тек уақыт белдеуінің тікелей кері әсері анықталмағаны да айтылды.