2021-2023 жылдарға арналған салалық ғылыми зерттеулерге бағдарламалық-нысаналы қаржыландыру шеңберінде конкурс өтетіндігі туралы хабарлама
Қазақстан Республикасы Индустрия және инфрақұрылымдық даму министрлігінің Индустриялық даму және өнеркәсіптік қауіпсіздік комитеті
2021-2023 жылдарға арналған салалық ғылыми зерттеулерге бағдарламалық-нысаналы қаржыландыру шеңберінде конкурс өтетіндігі туралы хабарлайды.
Конкурс келесідей басым бағыттар бойынша өтеді:
- Геология, минералды және көмірсутек шикізатын өндіру және қайта өңдеу, жаңа материалдар, технология, қауіпсіз бұйымдар мен конструкциялар; «Композициялық материалдар»; «Техногендік қалдықтар және табиғи шикізаттар негізінде көп мақсатты жаңа материалдар».
Конкурстың мәні болып табылатын салалық ғылыми зерттеудің тақырыбы:
- Мақсатты ғылыми- техникалық бағдарлама: «2021-2023 жылдарға арналған сирек және сирек-жер элементтер негізінде жоғары эксплуатациялық қасиеттері бар жаңа композициялық материалдар жасау».
- «Өмір және денсаулық туралы ғылым»; «Отандық фармацевтикалық ғылым және өнеркәсіптік биотехнологияны дамыту»; «Бірегей дәрілік және профилактикалық препараттарды, медициналық бағыттағы бұйымдарды, медицина және ветеринарияға арналған жабдықтар және аспаптарды, оларды өндіру технологиясын, клиникаға дейінгі және клиникалық зерттеулерін әзірлеу».
Конкурстың мәні болып табылатын салалық ғылыми зерттеулердің тақырыбы келесі мақсатты ғылыми-техникалық бағдарламалар бойынша:
- «2021-2023 жылдарға арналған жаңа инфекцияға қарсы препараттарды әзірлеу».
- «2021-2023 жылдарға арналған патогендік микроорганизмдердің антибиотикорезистенттік реверсиясын зерттеу»
Конкурстық құжаттама мен өтінімді рәсімдеу бойынша түсіндіру жұмысын жүзеге асыруға жауапты тұлға – Махашев Дархан Нұрланұлы, телефон 8 (7172) 75 48 57, 8 777 183 24 91.
Конкурстық өтінімдер Қазақстан Қазақстан Республикасы Индустрия және инфрақұрылымдық даму министрлігінің Индустриялық даму және өнеркәсіптік қауіпсіздік комитетіне «ҰМҒТСО» АҚ ақпараттық жүйесі арқылы бағдарламаның ғылыми жетекшісінің және өтініш берушінің электрондық цифрлық қолтаңбасымен куәландырылған электрондық түрде https://is.ncste.kz. сілтемесі бойынша беріледі.
Өтінімдерді қабылдау 2020 жылғы 7-қыркүйектен басталады.
Өтінімдерді тіркеу және ЖТН (жеке тіркеу нөмірі) алу үшін «ҰМҒТСО» АҚ ақпараттық жүйесімен (is.ncste.kz) жұмыс істеу бойынша Call center: 8-727-355-50-01 (ішкі номер 210, 216, 217, 218, 219, 221, 224, 226, 227, 228, 229, 231, 232, 233, 234, 235, 236). Жұмыс уақыты: дүйсенбі - жұма, сағат 9:00-ден 18:30-ға дейін, түскі үзіліс: сағат 13:00-ден 14:30-ға дейін.
Өтінімдерді ұсынудың соңғы мерзімі конкурс жарияланған кезден бастап 45 (қырық бес) күнтізбелік күн өткеннен кейін бітеді.