Қазақстан тасымалдаушылары Қытайдан жүктерді жеткізуге мүмкіндік беретін жаңа рұқсаттамалардың бірінші топтамасын алды

Қарашаның 1-інде Қазақстан мен ҚХР арасында 2017 жылы автомобиль тасымалдарын жасау рұқсаттама бланкілерімен қосымша алмасу жүзеге асырылды.

Екі ел өткізу бекеттері ауданында шекара бойындағы терминалдар аралығында жүктерді тасымалдауға ары-бері бір рет жүріп өтуге мүмкіндік беретін 10 мың С түріндегі рұқсаттамалармен алмасты. 

Сондай-ақ,  екі жаққа бір сапар жасау құқығы бар белгілі бағдарлармен жүк тасымалдауға 1 мың D түріндегі рұқсаттама берілді.  D түріндегі рұқсаттама бұл рұқсаттамалардың жаңа түрі екенін атап өткен жөн. Ол қазақстандық тасымалдаушыларға Қытайдан төменде аталған жаңа бағдарлармен жүктерді жеткізуге мүмкіндік береді:

Алматы – Қорғас – Үрімші;

Алматы – Достық – Үрімші;

Алматы – Қорғас – Инин;

Талдықорған – Қорғас – Үрімші;

Шонжы – Достық – Инин;

Өскемен – Майқапшағай – Үрімші;

Семей – Бақты – Үрімші;

Семей – Майқапшағай – Алтай;

Зайсан – Зимунай.