Тұрар Жолмағамбетов Iranian Babak Copper Company өкілдерімен кездесті

Ағымдағы жылдың 15 шілдесінде Өнеркәсіп комитет төрағасының орынбасары Тұрар Жолмағамбетов Қазақстандағы IBCCO Иран компаниясының ресми өкілімен кездесті.

Кездесу барысында катодты мыс, сондай-ақмыс пен алюминийден жасалған кабельдік бұйымдарды өндіру бойынша жобаларды іске асыру перспективалары талқыланды. IBCCO өкілдері қолданылатын инновациялық технологиялар туралы айтып, өндірілетін металл өнімдерінің ассортиментін кеңейтуге дайын екендіктерін білдірді.

Тұрар Жолмағамбетов қосылған құны жоғары өндірістерді құрудың маңыздылығын атап өтіп, ирандық тарапты отандық өңдеу кәсіпорындарын шикізатпен қамтамасыз етуді көздейтін мемлекеттік қолдау шараларын пайдалануға шақырды.

Сонымен қатар, жобаларды іске асыру үшін нарық пен инфрақұрылымның негізгі өңірлік шарттары талқыланды. Келіссөздер соңында тараптар сындарлы диалог үшін бір-біріне алғыстарын білдіріп, Келесі кездесуге нақты шешімдермен келіп, ынтымақтастықты жалғастыруға келісті.