«Алатау Прогресс КЗ» мектеп жиһаздарын өндірудің жаңа көшбасшысы

Алматы облысы, Қарасай ауданында орналасқан «Алатау Прогресс КЗ» ЖШС Altamir брендімен мектеп жиһаздарын өндіретін жетекші кәсіпорындардың бірі болып табылады. Компания 2019 жылы құрылған және осы уақыт ішінде өндірісті дамыту және өндірістік қуаттылықты арттыру бағытында ауқымды жұмыстар атқарған. Өндіріс аумағы 20 мың шаршы метрді құрайды, ал инвестиция көлемі 4 миллиард теңгеге жеткен.

Компания Германиядан әкелінген жоғары сапалы заманауи жабдықта жұмыс істейді. Бұл жабдықтар жиһаз өндіруде жоғары стандарттарды қамтамасыз етеді. Жобалау және өндіру кезінде жиһаздың ыңғайлылығы мен сапасына ерекше көңіл бөлінеді.

Altamir брендімен «Алатау Прогресс КЗ» мектеп үстелдерін, орындықтарын, шкафтарды, мұғалімдер үстелдерін және арнайы жиһаздарды жасайды. Кәсіпорын муниципалды және жеке ұйымдарға жиһаз дайындаумен және жеткізумен айналысады.

Жиһаз өндірісінде 100 адам жұмыспен қамтылған. 2023 жылдың қорытындысы бойынша өндіріс көлемі 2 миллиард теңгені құраған.

«Алатау Прогресс КЗ» ЖШС болашақта да жиһаз өндірісіндегі көшбасшылық позициясын нығайта бермек. Компания жоғары сапалы, заманауи және ыңғайлы жиһаздар өндіруді жалғастырып, білім беру мекемелеріне сапалы өнімдер ұсынуды көздейді.