Қазақстан мен Әзірбайжан жолаушыларды автомобильмен тасымалдау мәселесін қарастырады

Бакуде халықаралық автомобиль тасымалы мәселелері жөніндегі Әзірбайжан мен Қазақстан аралас комиссиясының отырысы болды. Делегациялар 2017 жылғы автомобильмен тасымалдау көлемі туралы мәліметтермен, арнайы рұқсаттамаларды пайдалану ақпаратымен алмасып, басқа да мәселелерді талқылады.  

Қазақстандық және әзірбайжандық тасымалдаушылар арасында рұқсаттамаларды пайдалану тепе-теңдігі сақталғаны айтылды. Үшінші елдерге/ден тасымалдауда әзірбайжандық тасымалдаушылар басым болса, транзиттік тасымалдауда – қазақстандықтар басым. Екі ел арасында жолаушылар тасымалы жоқ. Бірақ делегациялар жолаушыларды автомобильмен тасымалдау мәселесін реттеу қажеттігі туындаған жағдайда қарастырылатынын атап өтті.  

Екі ел екіжақты тасымалдар мен транзиттік жүріп өту үшін  2018 жылға 1000 дана көлемінде рұқсаттамалармен алдын ала алмасу белгіленді. Үшінші елдерден/ге 300 дана көлеміндегі рұқсаттамалар келісілген.