Қазақстандағы электр энергетикасын дамыту және энергия үнемдеу институты мен Парламентаризмді дамыту қоры ынтымақтастық туралы Меморандумға қол қойды

 

«Электр энергетикасын дамыту және энергия үнемдеу институты (Қазахэнергиясараптама)» АҚ және «Қазақстандағы парламентаризмді дамыту Қоры» ҚҚ «Тұрақты және энергия тиімді қала үшін азаматтық қоғам»  жобасы шеңберінде, Еуропалық Одақ қолдауымен, тұрғын үй секторында тұрақты дамуға көмек көрсету және энергия тиімділігін арттыру мақсатында ынтымақтастық туралы  меморандумға қол қойылғаны туралы хабарлайды.

Институт пен ҚПДҚ-ның бірлескен күш-жігері, тұрғын үй секторы саласындағы энергия тиімділігін дамытуға ықпал ететін бағдарламаларды ілгерілету және дамыту бойынша өзара көмек көрсетуге және халыққа энергия тиімділігіне оқытуды жүргізу бағытталатын болады. Бұл инновациялық технологияларды енгізуді, қоғамды энергия үнемдеу мәселелеріне оқытуды және энергия ресурстарын тұтынуды қысқартуға ықпал ететін тиімді нормативтік тетіктерді әзірлеуге және енгізуге көмек көрсетуді қамтиды.

Институттың мәліметінше, Қазақстандағы жалпы энергия тұтынудың 47% -ы ғимараттарға тиесілі, оның 31% - ы тұрғын үй құрылыстарына жатады. Осы жағдайды жақсарту үшін Институт, ҚПДҚ, «Алматы ПИК» қауымдастығымен, «Шығыс Еуропадағы тұрғын үй шаруашылығы» бастамасымен (Iwo e.V.) және ПИК Петропавл өңірлік қауымдастығымен бірлесіп Астана және Алматы қалаларында «Тұрғын үй секторындағы тұрақты даму және энергия тиімділігін арттыру» тақырыбында көрме өткізуді жоспарлап отыр. Көрме Германияның осы елде қолданылатын және кең аудиторияға қол жетімді технологиялық шешімдер мен әдістерге баса назар аудара отырып, көп пәтерлі тұрғын үйлерді энергияны үнемдейтін жаңғырту тәжірибесін беруге бағытталған.

«Біз ҚПДҚ-мен бірлескен күш-жігер энергия үнемдеу және тұрғын үй қорын тұрақты дамыту саласында нақты нәтижелерге әкеледі деп сенеміз. Бұл экологиялық тұрақты және энергия тиімді қоғам құру бағытындағы маңызды қадам», - деп атап өтті Институттың Басқарма Төрағасы - Омарбеков Төлеген Базарұлы.