Тәуелсіздік күні қарсаңында ҚР Инвестициялар және даму министрлігінің бірқатар қызметкерлері мемлекеттік наградалармен марапатталды

Бүгін ҚР Инвестициялар және даму министрі Жеңіс Қасымбек ҚР ИДМ ұжымын Қазақстан Республикасының Тәуелсіздік күні мерекесімен құттықтады.

«Тәуелсіздік жылдары ішінде Қазақстан өзінің әлеуметтік-экономикалық және саяси дамуында зор табыстарға қол жеткізіп, Орталық Азия елдері арасында көш бастады. Мемлекет алға қойған мақсаты жолында қажырлы еңбек етіп, әлемдегі ең алпауыт елдердің сенімді серіктесіне айналды», - деді министр құттықтау сөзінде.

Сондай-ақ, салтанатты шара барысында ҚР Инвестициялар және даму министрлігі мен ведомстволық бағынысты ұйымдардардың бірқатар қызметкерлері мемлекеттік наградалармен марапатталды.