Сыбайлас жемқорлықтың алдын алудың және мемлекеттік қызмет көрсетудің өзекті мәселелері талқыланды

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігі Павлодар облысы бойынша департаменті қызметкерлері және қоғамдық бақылау бірлестігі мүшесі В. Окишевтің қатысуымен «ҚР ИДМ Индустриялық даму және өнеркәсіптік қауіпсіздік комитетінің Павлодар облысы бойынша департаменті» РММ 2018 жылғы 9 ақпанда  сыбайлас жемқорлықтың алдын алудың және мемлекеттік қызмет көрсетудің өзекті мәселелері талқыланған дөңгелек үстел отырысы өтті.

Кездесуде Қазақстан Республикасының 2015-2025 жылдарға арналған сыбайлас жемқорлыққа қарсы стратегиясы мен Қазақстан Республикасының «Сыбайлас жемқорлыққа қарсы іс-қимыл туралы» Заңына сәйкес сыбайлас жемқорлықпен күресуде жаңа тәсілдерді қолдану, сондай-ақ мемлекеттік  қызметтерді көрсету  мәселелері талқыланды.

Кездесу қатысушылары Елбасының 2018 жылғы 10 қантардағы «Төртінші өнеркәсіптік революция жағдайындағы дамудың жаңа мүмкіндіктері» атты Жолдауының тоғызыншы тапсырмасындағы талаптарын ескере отырып, сыбайлас жемқорлықа қарсы іс-қимыл бойынша қызметті жүйелі түрде ұйымдастыру қажеттігін атап өтті.