VII Халықаралық ғылыми-практикалық конференция

VII Халықаралық ғылыми-практикалық конференция

2018 жылы 25 мамырда сағат 10.00-де Астана қаласында «Қазақстанның өнеркәсіптік саясаты: еңбек өнімділігін ұлғайту арқылы экономиканың басым секторларында өнеркәсіптік кәсіпорындардың бәсекеге қабілеттілігін арттыру» тақырыбында VII Халықаралық ғылыми-практикалық конференция өтеді.

Конференцияның мақсаты мемлекеттік сектор мен бизнес қоғамдастығының арасында еңбек өнімділігін ұлғайту арқылы экономиканың басым секторларында өнеркәсіптік кәсіпорындардың бәсекеге қабілеттілігін арттыру әлеуеті мен ынталандыру шараларын талқылау бойынша диалог алаңын ұйымдастыру болып табылады. Конференцияда, соның ішінде, әлемдік практиканың табысты мысалдарын ескере отырып, еңбек өнімділігін арттыруға бағытталған мемлекеттік қолдау шараларының қолданыстағыларының тиімділігі және жаңаларын енгізу мүмкіндігі жөніндегі мәселелер талқыланады. 

Конференцияның негізгі міндеттері:

  1. Еңбек өнімділігін арттыруға бағытталған қолданыстағы мемлекеттік қолдау шараларының тиімділігі жөніндегі мәселелерді талқылау;
  2. ҚР бәсекелі экономикасын дамытудың түйінді факторы ретінде еңбек өнімділігін ұлғайту жолдарын іздеу және еңбек өнімділігін арттыруға бағытталған жаңа мемлекеттік қолдау шараларын енгізу мәселелерін талқылау;
  3. ҚР-дағы еңбек өнімділігін арттыру жөніндегі практикалық тәжірибені мемлекеттік қолдау шараларын алған жекелеген кәсіпорындардың мысалында қарастыру.

Конференция жұмысына Қазақстан Республикасы Инвестициялар және даму министрлігі мен басқа да мемлекеттік органдардың өкілдері, шетелдік сарапшылар, дамыту институттарының, әкімдіктердің, «Атамекен» ұлттық кәсіпкерлер палатасының, отандық өнеркәсіптік кәсіпорындардың және тағы басқаларының өкілдері қатысады деп жоспарлануда.

Конференция барысында кәсіпкерлік субъектілеріне кәсіпорындардың еңбек өнімділігін арттыруға бағытталған мемлекеттік қолдаумен толығырақ танысуға, қолданыстағы қолдау шараларының тиімділігі жөніндегі мәселелерді талқылауға және анағұрлым тиімді, жаңа қолдау шараларын ұсынуға, шығындардың өтеуін алған кәсіпорындардың басшыларының сөздерін тыңдауға болады. Мемлекеттік қолдау шаралары туралы толығырақ www.kidi.gov.kz сайтында «Бизнесті қолдау» бөлімінен білуге болады. 

Өтетін күні: 2018 жыл 25 мамыр

Өтетін орны: Астана қ., «HiltonAstana» қонақ үйі (Сауран к-сі, 46).

Тіркеу: сағат 09.00 – 10.00.

Барлық мүдделі тұлғаларды VII Халықаралық ғылыми-практикалық конференцияға қатысуға шақырамыз.

Дереккөз: «ҚИДИ» АҚ баспасөз қызметі