Стартап-идеяңызды табысты бизнеске қалай айналдыруға болады?

ҚР Инвестициялар және даму министрлігі және «Технологиялық даму жөніндегі ұлттық агенттік» АҚ Сізді «Стартап жобаларды дамыту және нарыққа шығару» тақырыбында мастер-классқа қатысуға шақырады.

Мастер-класс 2018 жылғв 23 шілде, сағат 09:00-де мына мекен-жай бойынша өтеді: Астана қаласы, Қонаев көш., 7, «Rixos President Astana» қонақ үйі («Шаңырақ» конференц-залы). Жетекші халықаралық сарапшылар, 500 Startups және Innopolis University акселераторлар табысты кейстардың тәжірибесімен бөліседі және стартаптарды құрудың ең инновациялық тәсілдерін айтып береді.

Мастер-класс спикерлері:

- Марвин Лиао - 500 Startups акселераторының серіктесі, 60-тан астам елде 500-ден астам компанияға инвестиция құйған, Yahoo-дың бұрынғы коммерциялық директоры;

-Татьяна Канзавели - 500 Startups акселераторының тәлімгері, Силикон алқабының инвесторы, Open Health Network ИТ-стартаптың негізін қалаушы, Health IT-да ең ықпалды әйелдер рейтингісінің 10-дығына кіреді;

-Михаил Свердлов - Innopolis University тәлімгері, e-commerce және B2B саласындағы бірқатар табысты ғаламтор-стартаптардың негізін қалаушы.

Мастер-классты технологиялық кәсіпкерліктің құзыреттілігін арттыру және инновациялық стартаптарды дамыту мақсатында ҚР ИДМ қолдауымен «ТДҰА» АҚ өткізеді.

Іс-шара Агенттіктің фейсбуктегі парақшасында тікелей эфирде таратылатын болады (https://www.facebook.com/natdkz/). Сонымен қатар, сұрақ қою мүмкіндігі бар тікелей көрсетілім SmArt.Point коворкинг-орталығында мына мекен-жай бойынша өтеді: Алматы қ., Байзақов көш., 280. Мастер-класстың бағдарламасы қосымшада. Қатысу үшін аккредиттеу қажет.

БАҚ тіркелуі міндетті.

Келесі кестеге сәйкес деректерді zaira555m@mail.ru электрондық мекен-жайына жіберуді сұраймыз:

№	Ұйым	ТАӘ	Лауазымы	Байланыстар (ұялы телефон, email)	Техниканың болуы, техниканың нөмірі (телефон, диктофон, ноутбук және т.б.)
1.
2.