Қазақстанда ағымдағы жылдың 10 айында 9,8 млн. шаршы метр тұрғын үй пайдалануға берілді
Бұл туралы ҚР Индустрия және инфрақұрылымдық даму министрі Бейбіт Атамқұлов 2019 жылдың 10 айына әлеуметтік-экономикалық даму қорытындысы бойынша ҚР Үкіметі отырысында мәлімдеді.
"10 айдың қорытындысы бойынша 9,8 млн.шаршы метр тұрғын үй пайдалануға берілді, бұл 2018 жылғы осы кезеңдегі көрсеткішті 100% құрайды. Тұрғын үйді іске қосу пайызы жылдық жоспарға 75,4% құрады. Республика бойынша барлығы 84 580 тұрғын үй тапсырылды", - деп атап өтті министр.
Тұрғын үй көлемінің ұлғаю көрсеткіштері еліміздің 9 өңірінде байқалады. Бұл тізімде Түркістан (130,4%), Қызылорда (117,2%), Ақтөбе (116,7%) Қостанай (115,9%) облыстары және Шымкент қаласы (116,4%) көшбасшы болып табылады.
Алайда, бұған қарамастан, ведомство басшысы тұрғын үйді іске қосу бойынша құрылыс қарқынының кейбір төмендеуі туралы да айтып берді.
"Тұрғын үйді іске қосу қарқынының төмендеуі Жамбыл облысында (96,0%) және Нұр-Сұлтан қаласында (64,2%) байқалады. Жылдық жоспарға (105,0%) қол жеткізу бойынша қабылданған міндеттемелерді орындау үшін осы әкімдіктер өз жұмысын жандандыруы қажет. Жалпы, жыл қорытындысы бойынша Министрлік жетекшілік ететін барлық салалар бойынша НКИ жоспарлы мәндеріне қол жеткізу жоспарланып отыр", - деп атап өтті
Б. Атамқұлов.
Отырыс барысында өнеркәсіп саласындағы көрсеткіштер де атап өтілді.
2019 жылдың 10 айының қорытындысы бойынша өнеркәсіп өндірісінің көлемі 103,5% құрады, оның ішінде тау-кен өндіру 103,7%, өңдеу 103,3%.
Өнеркәсіп өндірісінің оң көлемі 15 өңірде сақталуда. 2 облыста көрсеткіштер төмендеді: Қызылорда 9,8%-ға (90,2%) және Батыс Қазақстан 7,6% - ға (92,4%).
Тау-кен өндіру секторында түсті және темір кендерін өндіруде қозғалыстар байқалады. Алайда, көмір өндіру көлемінің көрсеткіштері негізгі көмір өндіруші кәсіпорындарда азаюмен байланысты төмендеді.
Сонымен қатар, өңдеуші өнеркәсіпте (+3,3%), машина жасау саласында (+18,8%), фармацевтика өнеркәсібінде (+15,2%), жеңіл өнеркәсіпте (+18,9%), сондай-ақ көлік кешені бойынша өсім байқалады, оның нақты көлем индексі 2019 жылдың қаңтар-қазанында 105,6% құрады.
