ТМД-ға мүше мемлекеттердің өндірістік саясат кеңесінің бесінші отырысы өтті
Астанада 16-18 тамыз аралығында Қазақстан Республикасының Инвестиция және даму министрлігінің Индустриялық даму және Өндірістік Қауіпсіздік Комитеті төрағасы орынбасары Тимур Нұрашевтың басшылығымен ТМД-ға мүше мемлекеттердің өндірістік саясат жөніндегі кеңесінің бесінші отырысы өтті.
Кездесу барысында ТМД-ға мүше мемлекеттердің сандық экономикасын дамыту мен оны іске асыру және осы елдер арасындағы ынтымақтастық тұжырымдамасының жобасы, сондай-ақ химия өнеркәсібі саласында ТМД-ға мүше мемлекеттердің ынтымақтастық тұжырымдамасының жобасы талқыланды.
Ресейдің Менделеев атындағы химия-технология университетінің ғылым жөніндегі проректоры Анна Шербина ТМД-ға мүше мемлекеттердің химия өнеркәсібінде кадрларды даярлау, қайта даярлау және біліктілігін арттыру бойынша негізгі ұйымдардың қызметі туралы баяндама жасады.
Мемлекеттердің өндірістік саясаты жөніндегі кеңесінің маңызды бағыттарының бірі - мүдделі құрылымдар арасындағы ынтымақтастықты орнату, жеңіл өнеркәсіп саласында қолданыстағы және жаңа кооперативтік байланыстарды тереңдету, өндірістік ынтымақтастық саласындағы ТМД нормативтік базасын жаңарту болып табылады.
Тағы бір бағыт - Ірі машина жасау кешендерінің негізінде мұнай-газ машин құрастыру кешендерін қамтамасыз ету, , сұйытылған табиғи газ технологияларын, геологиялық барлауға арналған жабдықты бұрғылау, өндіру, көмірсутегі шикізатын тасымалдау, пайдалану тәжірибелерімен алмасу.
Қазіргі уақытта өнеркәсіптік сектордың сандық трансформациясы әлемдік басымдықтардың бірі.
2013-2017 жылдар арасында ТМД-ға мүше мемлекеттердің өндірістік саясат жөніндегі кеңесінің 4 отырысы өтті, индустриялық саясат саласындағы өзекті мәселелердің кең ауқымын қамтитын 40-тан астам мәселесі қаралды.
