Қарағанды облысында Қарасор көлі ауданында Көкпекті-Қарағайлы айналма теміржол желісін салу жоспарлануда

Айналма желісінің құрылысы Қарасор көлінің ауданындағы теміржолдар учаскесін үнемі су басуына байланысты қажет.

Қарасор көлінің (Саумалкөл-Бүркітті аралығы) ауданында теміржолдың су басуына байланысты ҚР ИИДМ Индустриялық даму және өнеркәсіптік қауіпсіздік комитеті Қарағанды облысының әкімдігімен бірлесіп, теміржол учаскесін су басу орнына шығу бойынша кеңес ұйымдастырды.

Кеңеске барлық мүдделі орталық және өңірлік мемлекеттік органдардың, сондай-ақ «ҚТЖ» ҰК» АҚ, «Өркен» ЖШС, «Қазақмыс корпорациясы» ЖШС, «Алтай Полиметалл» ЖШС, «Tranco Nura» ЖШС компанияларының өкілдері қатысты.

Кеңестің қорытындысы бойынша Саумалкөл-Бүркітті аралығының қозғалысын қалпына келтіру үшін жер төсемі бойындағы бос жыныспен су басқан учаскені жабу және осы учаскеде қозғалысты қалпына келтіру үшін темір жол бойындағы толқын кескіштер орнату туралы шешім қабылданды.

Бұдан басқа, Қарасор көліндегі су көлемінің артуына байланысты Көкпекті-Қарағайлы айналма теміржол желісін салу мәселесін қарастыру қажет.