«Арселор Миттал Теміртау» АҚ-да апат салдары жойылып, өндіріс қалыпқа келтірілуде

2018 жылдың 10 қарашасында кешке Конвертер цехы мен әктасты күйдіру цехы арасындағы құбыр бұзыылған болатын. Алдын ала мәліметтер бойынша зардап шеккендер жоқ. Қоршаған ортаға экологиялық залал келтірілмеген.

2018 жылғы 11 қараша мен 28 желтоқсан аралығында жағдайды бағалау жұмыстары жүргізіліп, қызметкерлердің қауіпсіздігін қамтамасыз ету бойынша шаралар және комбинаттың тұрақты жұмысын қамтамасыз ету үшін қажетті шаралар қабылданды.

"АрселорМиттал Теміртау" АҚ атқарушы директоры В.Басинның ақпаратына сәйкес бүгінгі күні комбинат жұмыс параметрлеріне шығуда:

• аглоөндіріс үш агломерат өндірісінің екі машинасымен жұмыс істеп-тәулігіне 10500 тонна алломерат өндіруде;
• домна цехы екі домна пешімен жұмыс істеп жатыр, үшіншісі үрленуде, өндіріс тәулігіне 4,5 мың тонна шойынды құрайды;
• конвертерлік цех екі конвертрмен жұмыс істейді, балқыту және құю өндірісі тәулігіне 15 балқытуды құрайды.

Қаңтар айының соңы мен ақпан айының басына қарай комбинат жоспарлы көрсеткіштерге шығуды жоспарлап отыр.

№ 1 және № 3 үздіксіз құю машиналары жұмыс істеуде. №2 машинасы қирау аймағына түскен жабдықтың жұмысқа қабілеттілігін анықтау үшін екі жылғамен сыналды. Қазіргі уақытта кокс батареялары тәулігіне 5 мың тоннаға жуық коксты өткізу жұмысын жасауда.

Әзірше ыстық прокат цехында тек бір ғана әдістемелік пеш қолданысқа берілді, екіншісі – температураны көтеру сатысында. Алдағы күндері оны іске қосу және ыстық прокат өндірісінің қарқынын арттыру жоспарлануда. Екінші мырыштау желісі жұмыс істейді, №2 табақ илеу цехы іске қосылу сатысында. Құбыр станы мен сортты илеу цехы жұмыс істейді.

Апат салдарын жою және өндірісті қалпына келтіру үшін комбинат пен мердігерлік ұйымдардың барлық күштері жұмылдырылған. Апат салдарын жоюға тартылған барлық қызметкерлерге ақшалай сыйақы төленді және мерзімнен тыс жұмыс үшін де ақы төленді.