Қазақстанда жаңа зауыттар салу жоспарланып отыр
ҚР ИИДМ-де ҚР Индустрия және инфрақұрылымдық даму министрі Бейбіт Атамқұлов елімізде мамандандырылған арнайы техникалар құрастыру және тұрмыстық техниканы өндіру жөніндегі жобаларды іске асыратын шетелдік және отандық компаниялардың басшыларымен кездесті.
Министрдің JCB компаниясының Ресей мен ТМД-дағы жетекшісі және Orbis Kazakhstan компаниясының Бас директоры Николас Грилспен кездесуі барысында тараптар JCB брендінің мамандандырылған жол-құрылыс техникасын құрастыратын өндіріс ашу туралы жобасын талқылады. Николас Грилс ҚР Үкіметі тарапынан отандық өндірушілерге үлкен қолдау көрсетілетінін атап өтіп, JCB компаниясының Қазақстан нарығында ұзақ мерзімге келетіні туралы ниетін білдірді.
Orbis Kazakhstan компаниясы Өзбекстанның Artel Electronics компаниясымен бірлесе отырып, Түркістан облысында тұрмыстық ас үй плиталарын шығаратын зауыт салу жоспарын жариялады. Зауыттың өндірістік қуаты жылына 1 млн. тұрмыстық техниканы құрайды. Бұл жоба Қазақстанның экспорттық әлеуетін арттырып, нарықты отандық өндірістің сапалы әрі қолжетімді тұрмыстық техникасымен қамтамасыз етеді.
Министр отандық өндірісті дамытуға бағытталған мемлекеттік саясат шеңберінде бұл бастамаларды қолдауға дайын екенін білдіріп, Қазақстан Республикасының көлік құралдары мен түрлі техниканы құрастыру жөніндегі ірі орталық ретінде әлемдік тізбекке енуі қажеттігі туралы айтты.
Анықтама:
Ұлыбританияның әлемге әйгілі брендтің мамандандырылған техникасын өнеркәсіптік құрастыруды ұйымдастырған JCB жобасын Нұр-Сұлтан қаласында Orbis Kazakhstan компаниялар тобы іске асырады. Бұл жоба бастапқы кезеңде машиналардың корпусын дәнекерлеу және бояу процесімен ұсақ торапты құрастыруға ауысатын техниканы ірі торапты құрастыруды көздейді (немесе Joseph Cyril Bamford). Британдық компания ауыр құрылыс жабдықтарын әлемдік ірі өндірушілердің бірі. Жүк тиегіш экскаваторлар сегментінде көшбасшы. Құрылыс техникасын әлемдік өндірушілердің алғашқы үштігіне кіреді.
Компания 300-ден астам түрлі машина шығарады. Оның ішінде тиегіштер, телескоптық тиегіштер, шынжыр табанды және доңғалақты экскаваторлар, доңғалақты тиегіштер, топсалы-артылған рамалы самосвалдар, өтімділігі жоғары ашалы тиегіштер, шағын экскаваторлар, борттық бұрылысы бар шағын тиегіштер, JCB Vibromax тығыздау жабдығы, Groundcare сериялы генераторлар мен жер жұмыстарына арналған жабдықтар. Сонымен қатар, ауыл шаруашылығында қолдану үшін компания телескоптық тиегіштердің модельдік түрлерін және бірегей Fastrac тракторын өндіреді. Өнеркәсіптік секторда қолдану үшін сонымен қатар Тeletruk жүк тиегішін шығарады.
JCB-дің 18 зауыты төрт құрлықта орналасқан: он бірі - Ұлыбританияда, үшеуі - Үндістанда және АҚШ, Қытай, Германия және Бразилияда бір-бірден. Қазақстанда зауытты іске қосу 2022 жылдың қаңтарына жоспарланған. Өндірістік қуаты - 10 мың техника. Orbis Kazakhstan қазірдің өзінде жобаны дамытуға 8,3 млрд теңге жұмсады.