ҚР-дағы химия өнеркәсібінің даму болашағы

Отандық химия өнеркәсібі соңғы жылдары оң динамиканы көрсетуде. 8 жыл ішінде өндіріс көлемі 3,2 есеге (100-ден 380 млрд.теңгеге дейін) өсті. 54 жоба іске асырылды, соның нәтижесінде 4 мыңнан астам жұмыс орны құрылды. Экспорт көлемі 2 есеге артты.

Бүгінгі таңда Қазақстан бойынша химия саласының 690-нан астам кәсіпорны өз қызметін жүзеге асыруда. Олардың ішінде ел экономикасының дамуына "Қазфосфат "ЖШС мен" ҚазАзот " АҚ елеулі үлес қосуда.

Дәл осы 2 ірі компанияға ауыл шаруашылығының минералдық тыңайтқыштарға деген қажеттілігін қанағаттандыру  міндеттері жүктелген. Осылайша, фосфор тыңайтқыштарының үлесіне 51%дан, азотты тыңайтқыштардың үлесіне 48% дан келеді.

Іс-шара барысында кәсіпорын өкілдері алдағы уақыттағы жоспарларымен бөлісті. Мәселен, "Қазфосфат" ЖШС-де жаңа жобалар бар, олар өндірістік қуаттарды ұлғайту және жаңа өнім түрлерінің өндірісінің құрылысын салудан тұрады: бұл (ЖЖФЗ) өндіріс алаңында құны 100 млн. теңгенің фосфор-калий тыңайтқыштарын шығару бойынша өндірістік қуатты 20 мың тоннаға дейін ұлғайту, АФФ (азықтық фторланбаған фосфаттар) цехын қайта жаңарту; жоба құны 4 млрд.теңгені құрайтын қуаттылығы жылына 6 мың тонна натрий гипофосфитін өндіру міндеттері көзделген. "ҚазАзот" компаниясы жылына 400 мың тоннаға дейін аммиак өнімдерін шығаруды жоспарлап отыр.