Туризмге «жасыл» инвестициялар

Бүгін, 2019 жылдың 18 шілдесінде, Ақмола облысының Зеренді кентінде БҰҰДБ-ҒЭҚ және ҚР Үкіметінің «Төмен көміртекті даму үшін Тұрақты қалалар» бірлескен жобасын орындау шеңберінде іске асырылған «Парус» БСО пилоттық жобасының таныстырылымы өтуде.

Таныстырылымға ҚР ИИДМ Индустриялық даму және өнеркәсіптік қауіпсіздік комитетінің Энергия үнемдеу және энергия тиімділігін арттыру басқармасының басшысы - Ж. Тоқаев, Қазақстандағы БҰҰДБ Тұрақты өкілінің орынбасары - Виталий Времиш, Туризмдегі ШОБ өкілдері, банк ұйымдары, ЖАО, мектеп оқушылары және басқалар қатысады.

«Парус» балаларды сауықтыру орталығы «Жасыл» субсидияларды сынақтан өткізу бойынша жұмыстар аясында таңдалды. Курорттық аймақтың экологиясын жақсарту үшін жеке инвестициялар есебінен көмір қазандығы газға ауыстырылды, аумақты жарықтандыру үшін күн фотоэлектрлік панельдер қолданылды, жарықдиодты шамдар орнатылды, су үшін электр жылытқышының орнына күн коллекторы мен ауа жылу сорғысы орнатылды.

Энергия тиімді және экологиялық таза технологияларды енгізу қорытындылары бойынша жылу энергиясын тұтыну 50% - ға, ал электр энергиясын тұтыну 75% - ға төмендеді. Үнемделген қаржы енді қол жетімді ойын-сауықтардың реновация және әртүрлілігі сияқты демалыс аймағының басқа да қажеттіліктері үшін пайдаланылады.

Қазір Орталық бұрынғыға қарағанда көп балаларды қабылдай бастады, сондай-ақ бүкіл ел бойынша осындай басқа демалыс орталықтары үшін тамаша үлгі болды.