БАӘ-не саяхаттаушы Қазақстан азаматтары үшін визалық режим алынып тасталды

2017 жылы 18 мамырда ҚР ИДМ Азаматтық авиация комитеті төрағасының міндетін атқарушы Талғат Ластаев Біріккен Араб Әмірліктерінің елшісі Ахмад Султан Эсса Альджабермен (Mr. Ahmad Sultan Essa Aljaber) Қазақстан мен Біріккен Араб Әмірліктері арасындағы әуе байланысын дамыту мәселелері бойынша кездесті. Кездесуде ЭКСПО-2017 көрмесі қарсаңында екі ел арасындағы әуе тасымалы саласындағы ынтымақтастықты одан әрі нығайту мәселелері талқыланды. Елшінің ақпараты бойынша, БАӘ саяхаттап баратын Қазақстан азаматтары үшін визалық режимді бір айға дейін алып тастау көзделіп отыр. Бұл екі ел арасындағы әуе байланысын одан әрі дамытуға ықпал етеді.