«ҚазақЭнергияСараптама-Қызылорда» ЖШС және «СтройЭнергоКонтроль» ЖШС кәсіпорындарда жоспардан тыс тексеру жүргізілді

Индустриялық даму және өнеркәсіптік қауіпсіздік комитетінің Қызылорда облысы бойынша департаментімен Қазақстан Республикасы Инвестициялар және даму министрлігінің Индустриялық даму және өнеркәсіптік қауіпсіздік комитетінің

04.07.2017 жылғы № 25-19/1-2285 санды хаты негізінде «Рұқсаттар және хабарламалар туралы» 2014 жылғы 16 мамырдағы № 202 Қазақстан Республикасы Заңының 51-бабының  4-тармағына сәйкес энергия үнемдеу және энергия тиімділігін арттыру саласында қызметін жүзеге асыруды бастау туралы хабарламаларды жіберген заңды тұлғаларға қатысты 2015 жылғы 29 қазандағы № 375 Қазақстан Республикасы Кәсіпкерлік Кодексінің 144-бабы 3-тармағының 11-тармақшасына сәйкес, «Энергия үнемдеу және энергия тиімділігін арттыру туралы» 2012 жылғы 13 қаңтардағы № 541 Қазақстан Республикасы Заңының 14-бабының 3 және 4-тармақтарына сәйкестігіне жоспардан тыс тексеру жүргізілді.

Қызылорда облысы бойынша 2 мекеме тексерілді. «ҚазақЭнергияСараптама-Қызылорда» ЖШС энергия үнемдеу және энергия тиімділігін арттыру саласы бойынша оқу орталықтарының тізілімінде, сонымен қатар энергоаудит қызмет түрін көрсететін заңды тұлғалар тізілімінде тіркелген. Тексеріс 21.07.2017 жылғы № 93 тексеру тағайындау актісімен 2017 жыл шілде айының 24-28 аралығында жүргізілді. Тексеру нәтижелері бойынша заңбұзушылықтар анықталған жоқ.

2017 жыл 31 шілде-04 тамыз күндері аралығында «Энергия үнемдеу және энергия тиімділігін арттыру туралы» ҚР Заңынынң 14 бап, 3 тармағы талаптарына сәйкестігіне «СтройЭнергоКонтроль» ЖШС тексерілді. Тексеру барысында төмендегідей заңбұзушылықтар анықталды:

1. Штаттағы энергоаудиторлар саны талапқа сәйкес емес. Қазіргі таңда 2 аудитор жұмыс жасайды, Заң талаптары бойынша 4-еуден кем болмауы тиіс. («Энергия үнемдеу және энергия тиімділігін арттыру туралы» ҚР Заңының 14 бап, 3 тармағы,
   
   1 тармақшасының орындалмауы).
2. Келесі техникалық құрылғылардың болмауы:

• Ультрадыбысты сұйықтық шығынын өлшеуіш;
• Қалыңдық өлшегіш;
• Электр энергиясының сапасын талдауыш;
• Газоанализатор («Энергия үнемдеу және энергия тиімділігін арттыру туралы» ҚР Заңының 14 бап, 3 тармағы, 2 тармақшасының орындалмауы).

Тексріс нәтижесі бойынша заңды тұлға «СтройЭнергоКонтроль» ЖШС – не («Энергия үнемдеу және энергия тиімділігін арттыру туралы» ҚР Заңының талаптарының бұзылғандығы үшін, «Әкімшілік құқықбұзушылық туралы» ҚР Кодексінің 296 бабының

1 тармағы бойынша 10 АЭК – 22690 тг көлемінде айыппұл салынды.

Атом энергиясын мемлекеттік қадағалау, энергия үнемдеу және энергия тиімділігін арттыру саласындағы бақылау бөлімінің бас маманы – Бүркітбай Бибіауа