2025 жылғы 20 ақпанда Экологиялық реттеу және бақылау комитетінің 2024 жылғы қызмет қорытындыларын шығару және 2025 жылға арналған міндеттерді айқындау жөніндегі алқасының отырысы өткізілді.

2024 жылғы қызметтің негізгі қорытындылары:
1.Бақылау-инспекциялық қызмет:
Мемлекеттік экологиялық инспекция 1080 тексеру жүргізді, 2888 бұзушылық анықталды, 1820 ұйғарым берілді. Жалпы сомасы 86,9 млрд. теңге құрайтын 2404 әкімшілік айыппұл салынды.
Бұдан басқа, ҚР Үкіметі 2026-2027 жылдары "Теңіз" класты зертханалық кеменің құрылысын қолдады, бұл Каспий теңізінің Қазақстандық секторында мемлекеттік экологиялық бақылауды күшейтуге мүмкіндік береді.
2.Қоршаған ортаға эмиссиялар мониторингінің автоматтандырылған жүйесін енгізу:
2024 жылы қарастырылған 91 компанияның 72-сі МАЖ жүйесін құрды, оның 63-і министрлікке деректерді жіберіп жатыр. 9 кәсіпорында қосылу жұмыстары жүргізілуде.
Сонымен қатар, коммуналдық және энергетикалық сектордың 17 кәсіпорны қаржы қаражатының болмауына байланысты МАЖ жүйесін орнатпаған. Қазіргі уақытта экологиялық төлемдер есебінен жүйені орнатуды қаржыландыру мәселесі қарастырылуда.
3.Экологиялық реттеу:
2024 жылы 13819 Мемлекеттік қызмет көрсетілді, бұл 2023 жылмен салыстырғанда 32% - ға өсті. Шығарындылар бойынша нормативтердің 4% - ға және шығарындылар бойынша 0,8% - ға төмендеуіне қол жеткізілді.
4.Рұқсат етілмеген полигондарды жою:
Жалпы 4886 полигон анықталып, оның 91% жойылды. Жоюдың төменгі пайызы Атырау облысы мен Ұлытау облысында байқалады.
Рұқсат етілмеген қоқыс үйінділері уақтылы жойылмағандығы үшін 9,4 млн.теңге сомасына 164 лауазымды тұлға әкімшілік жауапкершілікке тартылды.
5."Таза Қазақстан" бағдарламасын іске асыру:
2024 жылы әкімдіктермен бірлесіп аумақтарды жинау және көгалдандыру бойынша жаппай экологиялық акциялар өткізілді, оған 6,2 млн-нан астам адам, оның ішінде 229 мың ерікті қатысты. Нәтижесінде 1,1 млн тоннадан астам қалдық жиналып, 1,6 млн-ға жуық ағаш отырғызылды.
Азаматтарды экологиялық жағдайды жақсарту мәселелеріне тартуға бағытталған @TazaQazBot ақпараттық платформасы іске қосылды, іске қосылған сәттен бастап 13 мыңнан астам өтінім келіп түсті, оның 91% - ы орындалды.
6.Кадрлық жұмыс:
2024 жылы меритократия қағидаты бойынша Комитетте және аумақтық экология департаменттерінде жоғары лауазымдарға 40 қызметкер тағайындалды. Оның ішінде: 12-Комитетте, 28-аумақтық департаменттерде.
2025 жылға арналған тапсырмалар мен міндеттер:
•Экологиялық сезімтал салаларда мониторингтің автоматтандырылған жүйелерін қосу бойынша жұмысты жандандыру.
•Полигондарды жоюға бақылауды күшейту және олардың болашақта пайда болуын болдырмау тетіктерін құру бойынша шаралар қабылдау.
•Профилактикалық бақылау жоспарларының толық орындалуын қамтамасыз ету және халықтың шағымдарына уақтылы ден қою.
•Кәсіпорындарда ең үздік қолжетімді технологияларды енгізу арқылы елдегі экологиялық жағдайды жақсарту жөніндегі жұмысты жалғастыру.
•Экологиялық саясатты түсіндіру және қоғамдық сұрауларға жауап беру үшін Тұрақты баспасөз конференцияларын, тікелей эфирлерді және әлеуметтік медианы белсенді пайдалануды қоса алғанда, жұртшылықпен жұмысты нығайту.
Отырыс барысында бақылау-инспекциялық қызметті, талап-арыз жұмысын жақсарту жөніндегі жоспарлар мен ұсынымдар, сондай-ақ жергілікті атқарушы органдармен және БАҚ-пен өзара іс-қимыл мәселелері талқыланды.
Алқа соңында комитет төрағасы Ерболат Қожықов еліміздің экологиялық саясатын іске асыруда барлық департаменттердің белсенді жұмысын жалғастырудың маңыздылығын атап өтті.