2024 жылғы 12-16 тамыз аралығында еліміздің барлық өңірлерінде экология департаменттері  полиция департаментімен бірлесіп «Таза ауа» рейді өткізді.

Акция экологиялық стандарттарға сәйкес келмейтін автомобильдерді анықтауға және құқық бұзушыларға қатысты әкімшілік шаралар қабылдауға бағытталған.

Рейд барысында 482 көлік тексерілді. Экологиялық нормалардың 105 бұзылуы анықталды, оның ішінде 96 жүргізуші айыппұл немесе ескерту түрінде жауапқа тартылды. Салынған айыппұлдардың жалпы сомасы 200 мың теңгеден асты.

«Таза ауа» акциясы автокөлік иелерінің экологиялық стандарттарды сақтауын тиімді бақылауға мүмкіндік берді және ауаны таза ұстаудың маңыздылығын атап өтті.