Бүгін Сапар Ерғалиев ат. ЖББМ базасында басшы А.Т.Алимбаеваның төрайымдығымен ауданның білім бөлімі кеңесінің жоспарлы отырысы өтті.
Отырысқа аудандық әдістемелік кабинеттің әдіскерлері, ауданның білім ұйымдарының басшылары қатысты.
Күн тәртібі аясында келесі мәселелер қаралды:
1."Жалпы білім беретін пәндер бойынша республикалық олимпиаданың аудандық және облыстық кезеңдерінің қорытындыларына талдамалық шолу: әлеует және нәтижелілік".
2."2025 жылғы педагогтердің біліктілігін арттыру жоспарын іске асыру және 2026 жылы кадрларды ЖИ құралдарына оқыту жөніндегі стратегиялық міндеттер туралы".
3."Ерекше білім беру қажеттіліктері бар балаларды инклюзивті оқыту және жүйелі психологиялық-педагогикалық қолдау үшін жағдайларды қамтамасыз ету туралы".
Бірінші мәселе шеңберінде жалпы білім беретін пәндер бойынша республикалық олимпиаданың аудандық және облыстық кезеңдерінің қорытындыларына талдамалық шолу ұсынылды. Қатысушылар оқушылардың әлеуетін, қол жеткізілген нәтижелерін талқылады, сондай-ақ оқушыларды даярлау сапасын одан әрі арттыру бағыттарын айқындады.
2025 жылға арналған педагогтердің біліктілігін арттыру жоспарын іске асыруға ерекше назар аударылды. Атқарылған жұмыстың қорытындысы шығарылып, педагог кадрларды заманауи жасанды интеллект құралдарына оқытуды қоса алғанда, 2026 жылға арналған стратегиялық міндеттер белгіленді, бұл білім беру процесінің тиімділігін арттыруға мүмкіндік береді.
Сондай-ақ инклюзивті оқыту үшін жағдайларды қамтамасыз ету мәселесі қаралды. Ерекше білім беру қажеттіліктері бар балаларды жүйелі психологиялық-педагогикалық қолдаудың, әрбір бала үшін қолайлы және қолжетімді білім беру ортасын құрудың маңыздылығы атап өтілді.
Отырыс қорытындысы бойынша білім беру сапасын одан әрі жетілдіруге және педагогтердің кәсіби әлеуетін дамытуға бағытталған шешімдер қабылданды.