Cайлаушылар таңдауларын жасауда

 

Қаратөбе ауданының Аққозы, Жусандыой, Сулыкөл ауылдық округтерінде ауыл әкімдерінің сайлауы өтуде.

Жалпы үш округтегі сайлау учаскелерінде сайлаушылардың дауыс беруі қарқынды жүріп жатыр.
Аталмыш ауылдық округтердің әкімдерінің сайлауына 7 үміткер түсуде. Оның екеуі «Nur Оtаn» партиясынан ұсынылғандар.
Аудандық сайлау комиссиясының сағат 12 -дегі мәліметіне сай Аққозы ауылдық округі бойынша сайлау учаскелерінде 402 сайлаушының 227-сі, Жусандыой ауылдық округі бойынша 620 сайлаушының 368-і , Сулыкөл ауылдық округінде 1175 сайлаушының 690-ны дауыс берген.
Жалпы аудан бойынша 2 197 сайлаушының 1285-сі дауыс беріп, таңдауларын жасады.
Аудандық сайлау комиссиясының төрағасы Бақытжан Қайырқұлұлының айтуынша аудандағы 3 ауылдық округте де халықтың дауыс беруі сайлау заңдарына және санитарлық талаптарға сай өтуде.

Жайық Пресс