Ақжайықта дауыс беру қарқыны жоғары

 

Сайлау учаскелері есігін айқара ашқаннан Теректі ауданы Ақжайық ауылдық округі тұрғындары дауыс беріп, таңдау жасауға асығуда. Себебі халықтың таңдауынан кейін округте әкім анықталады.

Ақжайық ауылдық округіне қарасты Абай ауылында орналасқан №361 сайлау учаскесі бойынша 384 сайлаушы өз таңдауын жасамақшы. Сайлау учаскесінің төрағасы Талғат Бекесті сөзге тарттық.

- Сайлау ҚР сайлау туралы заңына сәйкес өтуде. Сайлау учаскесінде барлық санитарлық талаптар сақталған. Саяси партиялардан, өзге де топтардан байқаушылар қатысуда. Тұрғындардың белсенділігі қуантады. Яғни жерлестеріміз округіміздің тағдырына бей-жай қарамайды деген сөз. №361 сайлау учаскесінде сайлау әділ өтетініне төраға ретінде кепілдік беремін,-дейді Талғат Мағзомұлы.

Жайық Пресс