2023 жылдың 18 қыркүйек айында Батыс Қазақстан облысының жер қатынастары басқармасының мемлекеттік қызметтер және геоақпараттық мониторинг бөлімінің басшысы Ж.И. Ашықпаев, сондай-ақ жерге орналастыру бөлімінің бас маманы А. А. Бермагамбетова "AQJAIYQ" телеарнасында "Сіздің сұрағыңыздың уақыты"телебағдарламасына қатысты.
Бағдарлама барысында пайдаланылмаған ауыл шаруашылығы мақсатындағы жерлерді қайтару және оларды ауыл шаруашылығы айналымына қайта енгізу, жерді мемлекет меншігіне алу рәсімдері, сондай-ақ оларды жаңа жер пайдаланушыларға беру рәсімдері сияқты жер қатынастары саласындағы өзекті мәселелер көтерілді.
Бұдан басқа, елді мекендердің жайылымдық алқаптарының жетіспеушілігі мәселесін шешуге қатысты жауаптар берілді, сондай-ақ жер заңнамасын бұзғаны үшін лауазымды тұлғаларды жауапкершілікке тартуға қатысты инновациялар талқыланды.