Цифрландыру (2026 жылғы 9 қаңтар жағдайы бойынша)

«Цифрлық Қазақстан» мемлекеттік бағдарламасын жүзеге асыру аясында Батыс Қазақстан облысында жергілікті атқарушы органдардың геопорталын құру жұмыстары жүзеге асырылды.

Қазіргі уақытта геопортал www.map.e-batys.kz  мекенжайы бойынша орнатылды.

Геопорталдың  құру мақсаты жеке және заңды тұлғалар, сондай-ақ бизнес өкілдері үшін жер қатынастары және жер қойнауын пайдалану саласындағы ақпаратқа қол жеткізу және салалар бойынша көрсетілетін мемлекеттік қызметтерді автоматтандыру болып табылады.

Аталған геопорталда ауыл шаруашылық және коммерциялық мақсатындағы сауда-саттық арқылы берілуі жоспарланған бос және берілген жер учаскелерінің схемалары, жеке тұрғын үй құрылысына жер учаскесін алу үшін кезекте тұрғандар адамдардын тізімі, бос және берілген кен орындары, орман, су қорының объектілері, гидротехникалық құрылыстар мен магистралдық құбырлар, автокөлік және темір жолдары, инженерлік желілер (сумен жабдықтау, кәріз, электр, газ және жылумен жабдықтау), ауыл шаруашылығы алқаптары, мәдениет, білім беру, денсаулық сақтау және туризм объектілері, сонымен қатар егжей-тегжейлі жобалары, Бас жоспарлар  орнатылды.

Геоақпараттық портал арқылы жер қатынастары және жер қойнауын пайдалану саласындағы қағаз түрінде көрсетілетін мемлекеттік кызметтерді электрондық түрде көрсету үшін бизнес-процестері автоматтандырылды.

Өтініш берушілер мен мемлекеттік органдардың қызметкерлері арасындағы байланысты төмендету және сыбайлас жемқорлық тәуекелдеріне жол бермеу мақсатында 2021 жылы Орал қаласы, Бөрлі ауданы мен Бәйтерек ауданының аудан орталықтары бойынша жер учаскесін таңдау актісін барлық мүдделі ұйымдармен келісудің автоматтандырылған рәсімі енгізілді, ол геопорталда электрондық түрде жүзеге асырылады.

Жер таңдау актісін келісуді автоматтандыру мемлекеттік органдардың қызметкерлерімен байланысты болдырмауға мүмкіндік берді, сондай-ақ келісу рәсімін жеделдетті.

2022 жылы 10 аудан орталығында (Ақжайық, Тасқала, Казталов, Жаңақала, Жәнібек, Бөкей ордасы, Теректі, Сырым, Қаратөбе, Шыңғырлау аудандары) мүдделі ұйымдармен жер учаскесін таңдау актісін келісу рәсімін автоматтандыру толығымен аяқталды.

Геопорталды электрондық деректердің бірыңғай қоймасымен және электрондық үкімет порталымен интеграциясы жүзеге асырылды.

2023 жылдың 9 қазанынан бастап Орал және Ақсай қалалары бойынша жер учаскелерін беруге өтінімдерді тек электрондық түрде бірыңғай «Мемлекеттік жылжымайтын мүлік кадастры» ақпараттық жүйесі арқылы қабылдануда, осыған орай, 2025 жылы Ақсай және Орал қалалары бойынша жер учаскелерін алуға 1009 өтінім берілді, оның 328 өтінім мақұлданды, ал 681 өтінім бойынша бас тартылды.