Жәнібек ауданының аумақтық сайлау комиссиясының
2025 жылдың 9 сәуіріндегі №10 қаулысы
Батыс Қазақстан облысы Жәнібек ауданының Қамысты және Күйгенкөл ауылдық округі әкімдерінің сайлауын тағайындау туралы
«Қазақстан Республикасындағы сайлау туралы» Қазақстан Республикасы Конституциялық заңының 14-бабының 8-1 тармағына, 113-1-бабының 1-ші тармағының 2 тармақшасына және 3-ші тармағына сәйкес Жәнібек ауданының аумақтық сайлау комиссиясы ҚАУЛЫ ЕТЕДІ:
- Батыс Қазақстан облысы Жәнібек ауданы Қамысты және Күйгенкөл ауылдық округі әкімдерінің өкілеттіктері мерзімінен бұрын тоқтатылуына байланысты аталған ауылдық округі әкімдерінің сайлауы 2025 жылғы 18 мамырға тағайындалсын.
- 2025 жылғы 18 мамырға тағайындалған Батыс Қазақстан облысы Жәнібек ауданы Қамысты және Күйгенкөл ауылдық округі әкімдерінің сайлауын әзірлеу мен өткізу жөніндегі негізгі іс-шаралардың күнтізбелік жоспары осы қаулыға қосымша бекітілсін.
- Сайлау шаралары «Қазақстан Республикасындағы сайлау туралы» Қазақстан Республикасы Конституциялық заңына сәйкес өткізілсін.
- Осы қаулының көшірмесі Жәнібек ауданының әкіміне жолдансын.
- Осы қаулы аудандық «Шұғыла» қоғамдық – саяси газетінде және Жәнібек ауданы әкімдігінің интернет-ресурсында жариялансын.
- Осы қаулы қол қойылған күннен бастап күшіне енеді.
Жәнібек ауданының аумақтық
сайлау комиссиясының төрағасы Ж.Хаирлиев
Жәнібек ауданының аумақтық
сайлау комиссиясының хатшысы Г.Есниязова