Ұзынкөл ауылдық округі бойынша сайланған әкімді тіркеу туралы
Жәнібек ауданының аумақтық сайлау комиссиясының
ХАБАРЛАМАСЫ
«Қазақстан Республикасындағы сайлау туралы» Қазақстан Республикасының Конституциялық заңының 113-1-бабына сәйкес, 2026 жылдың 18 қазан күні Ұзынкөл ауылдық округі әкімінің сайлауы өткізілді.
Қазақстан Республикасының «Қазақстан Республикасындағы сайлау туралы» Конституциялық заңының 14 - бабының 9) тармақшасына, 45 бабына, 46 баптың 3 – тармағына және 113-11-бабының 1 тармағына сәйкес, Жәнібек ауданының аумақтық сайлау комиссиясының 2026 жылғы 19 қазандағы шешімімен, 1985 жылы туған Ұзынкөл ауылының тұрғыны, «ӘДІЛЕТ» партиясынан ұсынылған Утегенов Мирослав Нурланович Ұзынкөл ауылдық округінің әкімі болып тіркелді.
Жәнібек ауданының аумақтық сайлау комиссиясы