Жеке тұрғын үй құрылысын салу үшін жер учаскесін алуға кезекте тұрғандардың сұраныстарына сәйкес аудан орталығында 204 учаскеге инженерлік инфрақұрылым желілерін өткізу жұмыстары аяқталды.
Қазіргі таңда тұрғындардан жер учаскелерін алуға құжаттар қабылдануда.
Тұрғын үй кезегінде тұрған азаматтарды баспанамен қамту мақсатында 3 қабатты 21 пәтерлік және көп балалы отбасыларға арналған 2 пәтерлік 20 тұрғын үйлердің құрылыстары басталған болатын.
Қазіргі таңда 3 қабатты тұрғын үй құрылысы аяқталып, пайдалануға берілді, 2 пәтерлік 20 тұрғын үй ағымдағы жыл ішінде аяқталатын болады.
Үстіміздегі жылы "Ауыл - ел бесігі" бағдарламасы аясында Мастексай ауылында 150 орындық жаңа мәдениет үйінің құрылысы басталды. Жоба құны - 270,0 млн.теңге.