«Батырларға тағзым» әскери патриоттық шарасы өтті

2023 жылдың 13-сәуірі күні Батыс Қазақстан облысында  жеңіс күніне арналған шаралардың алғы легі басталды. Отан қорғаушылар күні мен жеңіс күні мерекесіне арналған «Патриот» айлығы аясында «Батырларға тағзым» акциясы өткізілді. «Қазақ елінің даңқты қыздары» алаңының артқы танымбағында өткен жиынға ардагерлер мен белсенді жастар және қала тұрғындары қатысты. Аталмыш патриоттық шара - өскелең ұрпақтың Отанға деген патриоттық сезімін ояту, жастарды сүйіспеншілік пен елжандылыққа тәрбиелеу, ерлікпен қаза тапқан батырлардың рухын жоғары қойып, ерлігін үлгі ету, мақсатында ұйымдастырылды. Жиын барысында, алаңға жиналғандар сап түзеп, әскери бөлім сарбаздарымен бірге ескерткішке гүл шоқтарын қойып, ерлікпен қаза тапқан батырлар рухына тағзым етті.
Сұрапыл соғыстың қиын кезеңдерін көрген ардагерлер де сөз сөйлеп, барша жиналған жұртшылыққа сұм соғыстың естеліктермен бөлісіп, барша ерлікпен қаза тапқандардың есімі ел есінде мәңгі сақталатынын атап өтті.
Әрі қарай патриоттық шара жастардың концерттік бағдарламасымен жалғасын тапты. Сахнада «Жаса Қазақстан» әні шырқалып, жастардың шығармашылық өнері сахналанды.