Ауданда «Теректі жаңалығы – Теректинская новь» қоғамдық-саяси газеті қызметін жүзеге асыруда. Газеттің Facebook, Instagram әлеуметтік желілерінде парақшалары бар. Аталмыш платформаларға апта сайынғы газет бетіне жарияланатын мақалалар онлайн форматта жүктеліп отырады.
Газеттің бір саны 16 бетпен шығарылады.
Сонымен қатар, Теректі ауданына қатысты ауқымды жаңалықтарды әлеуметтік желі арқылы жарықтандыру мен халықпен кері байланыс орнату мақсатында Facebook әлеуметтік желісінде уақытылы жаңартылып отыратын «Теректі Ауданы Әкімі Аппараты», «Теректі ауданы әкімдігі», Instagram әлеуметтік желісінде @terekti_kz парақшалары бар.
Сондай-ақ, Теректі ауданына қарасты 15 ауылдық округтегі әкімдіктердің және 10 дербес бөлімнің Фейсбук парақшалары бар.
Аталмыш парақшалар жергілікті жаңалықтардан бөлек аудандық ішкі саясат бөлімімен ұсынылып отыратын ақпараттық материалдармен толықтырылып отырады. Атап айтар болсақ, аудандағы ахуал, аудан, облыс, республика көлеміндегі жаңалықтар мен өзгерістер туралы ақпараттар уақытылы жарық көреді.
Аудандық ішкі саясат бөлімімен тұрақты негізде барлық әлеуметтік желілерге мониторинг жүргізіліп, өзекті мәселерді шешу бойынша тиісті мемлекеттік органдармен жүйелі жұмыс жүргізілуде.