Ұлттық валюта Теңге күнімен және қаржы жүйесі қызметкерлерінің кәсіби мерекесімен құттықтау

Кұрметті тасқалалықтар! Құрметті қаржы саласының қызметкерлері мен сала ардагерлері! Сіздерді Қазақстан Республикасының ұлттық валютасы Теңге күнімен және қаржы жүйесі қызметкерлерінің кәсіби мерекесімен шын жүректен құттықтаймын!
Ұлттық валюта ретінде теңге мемлекетіміздің тарихында маңызды рөл ойнайды. Бүгінгі таңдағы ауданның жеткен жетістіктеріне каржы саласы кызметкерлерінін қосқан үлесі зор. Сіздердің еңселі енбектеріңіз бен білім, біліктіліктеріңіздің арқасында Тасқаланың экономикасы қарқынды дамып
келе жатқан аудандардың қатарынан көрінуде.
Тәуелсіздік туы астындағы 30 жыл ішінде мемлекетіміз дамудың талай белесін артқа тастап, қиындықтарды жеңіп, жылдан-жылға гүлденіп келеді. Дәл осындай өзгерістер мен күрделі сынақтарды теңге де басынан өткерді. Осындай өткелең кезеңде Сіздер – қаржыгерлер еліміздің қаржы-қаражат саясатын іске асыруда қанатымен су сепкен қарлығаштай ел игілігі үшін тер төгіп, аянбай қызмет еттіңіздер. Сол себепті бұл күн сіз бен біз үшін аса маңызды, айрықша қадірлі күн.
Сіздерге осындай айтулы мереке күні отбасыларыңызға амандық, дендеріңізге саулық, еңбектеріңізге табыс, істеріңізге сәттілік тілеймін.
Тәуелсіздігіміз де, теңгеміз де тұғырлы, ғасырдан-ғасырға жетер ғұмырлы болсын!
Мереке құтты болсын!

Кұрметпен, Тасқала ауданының әкімі Талғат Шакиров