Округте 1 мектеп-бөбекжай-балабақша кешені және 1 бастауыш мектебі жұмыс жасайды. Мектеп-бөбекжай-балабақша кешенінде 41 педагог жұмыс жасайды, соның ішінде 33-сі мұғалімдер, 8 тәрбиеші. Жоғары білімді-39 педагог.
Санаты бойынша педагог-6, педагог сарапшы-10, педагог модератор-14.
Бүгінгі таңда мектебімізде барлық мұғалім жеткілікті, толық педогогикалық құрам жұмыс жасауда.
Ауылдық округ бойынша 0-18 жастағы барлық балалар есепке алынды. Барлық бала саны –332 (2022 ж.– 356), соның ішінде мектеп-бөбекжай-балабақша кешенінде -167 оқушы (2022 ж.–179), мектепалды даярлық топта-20, балабақшада–45, Бірінші Шежін бастауыш мектебінде – 7 бала, шағын орталықта – 8 бала, басқа мектептерде – 5.
Бірінші Шежін ауылынан Амангелді орта мектебіне келіп оқитын оқушыларға тасымалдау ұйымдастырылды. 2023–2024 оқу жылына тасымалданатын оқушы саны–11 (2023 ж. – 11).
«Ауыл - Ел бесігі» жобасы аясында биылғы жылы мектебіміз күрделі жөндеуден өтті. Жұмыстар толық аяқталды. «Ауыл – Ел бесігі» жобасының басты мақсаты – ауыл тұрғындарының өмір сүру сапасы мен әл-ауқатын жақсарту, ауылдарды тұрақты дамыту болып табылады. Күрделі жөңдеу аяқталғаннан кейін, ішін безендіру, жалюзи алу және тағы басқа жұмыстар атқарылған болатын. Мектепті безендіріп, жақсы жұмыстар атқарғаны үшін ауыл тұрғындарына, кәсіпкерлерге, ауыл мектебінің түлектеріне алғысымды айтамын.