«СЫРЫМ ЖАСТАРЫНА» — 20, РЕСУРСТЫҚ ОРТАЛЫҚҚА — 10 ЖЫЛ

Бүгін аудандық “Қайсар” спорт клубында “Сырым жастары” ЖҚБ-ның 20 жылдығы, Сырым аудандық жастармен жұмыс жөніндегі ресурстық орталығының 10 жылдығы және ҚР тәуелсіздік күніне орай ұйымдастырылған этно-тимбилдингтің ашылу салтанаты өтті.

Ат спорт түрлері, ақыл-ой ойындары, күрес түрлері, күш сынасу сияқты адамға жігер беретін, санасын серпілтетін ұлттық ойындар түрлерінен бақ сынауға ауданымыздың Аралтөбе, Бұлдырты, Қособа, Сарой, Жосалы, Жетікөл, Бұлан, Жымпиты ауылдық округтерінің спортшылары бақ сынады.

Сайыстың алғы сөзін Сырым ауданы әкімдігінің ішкі саясат бөлімінің басшысы Кубаев Тимур Берікұлы және Х.Бөкеева атындағы қазақ драма театрының директорының орынбасары Нұртілеу Болат Жеңісұлы сөйлеп, барша қатысушыларға сәттілік білдірді.

СЫРЫМ ЕЛІ