38 ҮЙДІҢ БАСТАПҚЫ БЕСЕУІНІҢ КІЛТІ ТАБЫС ЕТІЛД

Жымпиты ауылында су тасқынынан зардап шеккендерге жаңадан 38 тұрғын үй қосымша салынып жатыр. Бүгін сол салынып жатқан үйлердің құрылыс аяқталған алғаш 5 үйінің кілті иелеріне табыс етілді.

Жаңа қоныстың кілтін аудан әкімінің орынбасары Артур Шерғалиев тапсырды.

Айта кетейік, бұл бес үйдің жоба құны – 137,5 млн теңге. Құрылысты жүргізген мердігер – «ТасқалаТрансГаз» ЖШС. Жоба авторы – «Shine Project» ЖШС. Үйлердің құрылыс жұмыстары тамыз айына басталды. Бүгінгі күні 80 шаршы метрлік бес үйдің құрылыс толықтай аяқталды. Қабылдау актісімен қабылданды.

Шынар МОЛДАНИЯЗОВА