КҮМІС ЖҮЛДЕ - НҰРСҰЛТАНДА!

Астана қаласында өткен ересектер арасындағы Қазақстан Республикасының чемпионатында жерлесіміз Нұрсұлтан Зайзағалиев 66 келі салмақта күміс жүлде иегері атанды.

- Финалдағы қарсыласы өзінен 11 жас үлкен, самбодан ересектер арасында әлем чемпионы, дзюдодан Гран-При жарыстарының жүлдегері өте тәжірибелі ақтөбелік палуан Есет Қуанов, - деп жазады Батыс Қазақстан облысының спорт жаңалықтары парақшасы.

Иә, Нұрсұлтан бабында тұрған дзюдошы. Оның кез келген додадан жүлдесіз қайтпауының үлкен себебі - үздіксіз жаттығулар, еңбектің ащы тері.

Жерлесімізге жауырының жерге тимесін демекпіз!

А.БАУЫРЖАНҚЫЗЫ,

Сырым ауданы

Суреттер: Спорт жаңалықтары БҚО парақшасынан алынды