ӘСКЕРИ ОЙЫН ҰЙЫМДАСТЫРЫЛДЫ

ӘСКЕРИ ОЙЫН ҰЙЫМДАСТЫРЫЛДЫ
​Оқушыларды Отансүйгіштікке баулу мақсатында Қ.Мырзалиев атындағы жалпы білім беретін орта мектебінің алғашқы әскери дайындық пәнінің оқытушысы Алмаз Абдрахманов пен мектеп тәлімгері Ажар Жәкенованың ұйымдастыруымен әскери ойын өткізілді.
Әскери ойында 8-сынып оқушылары сап түзеу және ән байқауы, эмблема қорғау, арқан тартысу, викториналық сұрақтарға жауап беру, кермеге тартылу, дене көтеру секілді кезеңдер бойынша өзара бақ сынасты.
​Жасұландық оқушылардың сайысына ауданның қорғаныс істері жөніндегі бөлімінің басшысы, подполковник Мұрат Сәрсеев бастаған қазылар алқасы өздерінің әділ бағаларын берді.
Нәтижесінде ІV орынға 8 «Г» сыныбы, ІІІ орынға 8 «А» сыныбы қанағат тұтса, ІІ орынға 8 «В» сыныбының, І орынға 8 «Б» сыныбының оқушылары лайық деп танылды.