«71 АДАМ СУҒА КЕТКЕН. 29 – Ы БАЛА!»

1 маусымнан бастап елімізде 71 адам суға кеткен. Оның 29 – ы бала.

Бұл мәліметті кеше Сырым ауданы әкімдігі жанындағы кәмелетке толмағандардың істері және олардың құқықтарын қорғау жөніндегі комиссиясы кеңейтілген отырысында аудан әкімінің орынбасары Асланбек Сарқұлов айтты.

Міне, осы жантүршігерлік сандар жазғы демалыс кезінде балалар мен жасөспірімдердің қауіпсіздігіне қатаң қарауға мәжбүр етіп отыр. Комиссия отырысында Сырым ауданының прокуроры Нартай Байменов те жоғарыдағы мәселеге алаңдаушылығын білдірді.

Біздің ауданда өзен жағаларында арнайы шомылу орындары жоқ. «Жабайы жағажайлардың» жұмысын тоқтатып, арнайы суға түсу орындарын ұйымдастыруға тиіспіз. Балаларға жүзу техникаларын үйренуі үшін бассейндерді іске қосу керек. – деді аудан прокуроры.

Осы сияқты отырыста түнгі уақытта кәмелетке толмағандарың занды өкілінсіз көшеде жүруі және кәмелетке толмаған балалардың автокөлік, мотоцикл айдау фактілерінің тіркелуі туралы, кәмелетке толмаған балалардың қатысуымен орын балған дене жарақаттары туралы, аудан бойынша трансформатор қоршалуы секілді өзекті мәселелер талқыланды.

Толығырақ «Сырым елі» газетінің келесі санында.

Бауыржан ШИРМЕДИНҰЛЫ,

Сырым ауданы